കോഴിക്കോട് : വടകരയില് ആര് ജെ ഡി നേതാവിന് വെട്ടേറ്റു. ആര്ജെഡി വില്യാപ്പള്ളി പഞ്ചായത്ത് ജോയിന്റ് സെക്രട്ടറി എം ടി കെ സുരേഷിനാണ് നെഞ്ചില് വെട്ടേറ്റത്. ലാലു എന്ന ശ്യാം ലാലാണ് വടിവാള് കൊണ്ട് വെട്ടിയത്. ഒളിവില്പ്പോയ പ്രതിയ്ക്കായി പോലിസ് അന്വേഷണം ആരംഭിച്ചു. നേരത്തെ ആര് ജെ ഡി യുവജന സംഘടനയുടെ പഠന ക്യാംപിന്റെ വേദി തീയിട്ട് നശിപ്പിച്ച സംഭവത്തില് ശ്യാംലാലിനെതിരെ സുരേഷ് പരാതി നല്കിയിരുന്നു. അതുമായി ബന്ധപ്പെട്ട് ചില പ്രശ്നങ്ങള് നിലനിന്നിരുന്നു. സുരേഷിന്റെ വീട്ടില് എത്തി ശ്യാം ലാല് ഭീഷണിപ്പെടുത്തുകയും ചെയ്തിരുന്നു. ഇതിന് പിന്നാലെയായിരുന്നു ആക്രമണം.
എന്നാല് വെട്ടിയ ശ്യാം ലാല് സിപിഎം അനുഭാവിയാണെന്നാണ് ആര്ജെഡിയുടെ ആരോപണം. സിപിഎം ആണ് ഇയാളെ സംരക്ഷിക്കുന്നതെന്നും എല്ലാം ഒത്താശചെയ്തുകൊടുക്കുന്നതെന്നും ആര്ജെഡി ആരോപിക്കുന്നു. എന്നാല് ഈ ആരോപണങ്ങളെല്ലാം കാറ്റില് പറത്തുകയാണ് സിപിഎം നേത്യത്വം.