തിരവനന്തപുരം: രാഹുല് ഈശ്വറിനെ ആശുപത്രിയില് അഡ്മിറ്റ് ചെയ്തു. ആരോഗ്യനില മോശമായതിനെ തുടര്ന്ന് മെഡിക്കല് കോളജില് നേരത്തെ പ്രവേശിപ്പിച്ചിരുന്നു. പ്രാഥമിക ചികിത്സക്ക് വേണ്ടിയാണ് ഉച്ചയോടെ മെഡിക്കല് കോളേജില് പ്രവേശിപ്പിച്ചത്. ആരോഗ്യനില മോശമായതിനെ തുടര്ന്ന് അഡ്മിറ്റ് ചെയ്യാന് ഡോക്ടര്മാര് നിര്ദ്ദേശിക്കുകയായിരുന്നു. ജയിലില് നിരാഹാരം തുടരുന്ന രാഹുലിന്റെ ആരോഗ്യനില വഷളായതോടെയാണ് ആശുപത്രിയില് പ്രവേശിപ്പിച്ചത്.
തിരുവനന്തപുരം മെഡിക്കല് കോളേജില് പ്രവേശിപ്പിച്ച രാഹുലിന് ഡ്രിപ്പ് ഇടും. ആരോഗ്യനിലയില് മാറ്റമുണ്ടാകുന്ന മുറയ്ക്ക് രാഹുലിനെ തിരികെ ജയിലിലേയ്ക്ക് മാറ്റുമെന്നാണ് അധികൃതര് അറിയിച്ചിരിക്കുന്നത്.രാഹുല് മാങ്കൂട്ടത്തിലിനെതിരെ പരാതി നല്കിയ യുവതിയെ അപമാനിച്ചെന്ന കേസിലാണ് രാഹുല് ഈശ്വറിനെ പോലിസ് അറസ്റ്റ് ചെയ്തത്.