പോലിസ് കോണ്സ്റ്റബിള് പരീക്ഷ: റാങ്ക് പട്ടികയിലുള്ളവര്ക്ക് ഒരാഴ്ചക്കുള്ളില് നിയമന ശുപാര്ശ
പരീക്ഷാ തട്ടിപ്പ് കേസിലെ പ്രതികളായ മൂന്നുപേരെ മാത്രം ഒഴിവാക്കി നിയമനവുമായി മുന്നോട്ട് പോകാനാണ് പിഎസ്സി തീരുമാനിച്ചിരിക്കുന്നത്.
തിരുവനന്തപുരം: പിഎസ്സി ആംഡ് പോലിസ് കോണ്സ്റ്റബിള് പരീക്ഷാ റാങ്ക് പട്ടികയില് ഉള്ളവര്ക്ക് ഒരാഴ്ചക്കുള്ളില് നിയമന ശുപാര്ശ. പരീക്ഷാ തട്ടിപ്പ് കേസിലെ പ്രതികളായ മൂന്നുപേരെ മാത്രം ഒഴിവാക്കി നിയമനവുമായി മുന്നോട്ട് പോകാനാണ് പിഎസ്സി തീരുമാനിച്ചിരിക്കുന്നത്.
പ്രതികള് ഉള്പ്പെട്ടിരുന്ന കാസര്കോഡ് ആംഡ് പോലിസ് കോണ്സ്റ്റബിള് ബറ്റാലിയിന് റാങ്ക് പട്ടിക 4 മാസമായി മരവിപ്പിച്ചിരിക്കുകയായിരുന്നു. മൂന്ന് പ്രതികളൊഴികെ മറ്റാരും പരീക്ഷയില് ക്രമക്കേട് നടത്തിയിട്ടില്ലെന്ന് ക്രൈംബ്രാഞ്ച് റിപ്പോര്ട്ട് നല്കിയതിന് പിന്നാലെയാണ് നിയമനവുമായി പിഎസ്സി മുന്നോട്ട് പോകുന്നത്.
പരീക്ഷാ തട്ടിപ്പ് കേസിലെ പ്രതികളായ എസ്എഫ്ഐ നേതാക്കളായിരുന്ന ശിവരജ്ഞിത്തും നസീമും പ്രണവും അല്ലാതെ മറ്റാരും ക്രമക്കേട് നടത്തിയിട്ടില്ലെന്നായിരുന്നു ക്രൈം ബ്രാഞ്ച് എഡിജിപി ടോമിന് തച്ചങ്കരിയുടെ റിപ്പോര്ട്ട്. പരീക്ഷ റദ്ദാക്കേണ്ട സാഹചര്യമില്ലെന്നും റാങ്ക് പട്ടികയിലുള്ള മറ്റുള്ളവരുടെ നിയമനം തടയേണ്ടതില്ലെന്നും പിഎസ്സിക്ക് നല്കിയ റിപ്പോര്ട്ടില് ക്രൈംബ്രാഞ്ച് വ്യക്തമാക്കിയിരുന്നു.