നിയമ പോരാട്ടത്തിനൊടുവില് പ്രീതാ ഷാജിക്കും കുടുംബത്തിനും വിജയം; വീടും പുരയിടവും ലേലം ചെയ്ത നടപടി ഹൈക്കോടതി റദ്ദാക്കി
സത്യവും നീതിയും വിജയിച്ചുവെന്ന് പ്രീത ഷാജി. വിജയം എല്ലാ സര്ഫാസി ഇരകള്ക്കും സമര്പ്പിക്കുകയാണ്.വിഷയത്തിലെ സത്യാവസ്ഥ തിരിച്ചറിഞ്ഞ് തങ്ങളുടെ പോരാട്ടത്തിനൊപ്പം നിന്ന മാധ്യമങ്ങള്ക്കും പിന്തുണച്ചവര്ക്കും ഒരു പാട് നന്ദിയുണ്ടെന്നും പ്രീതാഷാജി പറഞ്ഞു.
അതേ സമയം ഭൂമി ലേലത്തില് പിടിച്ച രതീഷിന്റെ ഹരജി ഹൈക്കോടതി തള്ളി.ഹൈക്കോടതി വിധിയില് ഒരു പാടൂ സന്തോഷമുണ്ടെന്നും സത്യവും നീതിയും വിജയിച്ചുവെന്ന്് പ്രീത ഷാജി തേജസ് ന്യൂസിനോടു പറഞ്ഞു. ഈ വിജയം എല്ലാ സര്ഫാസി ഇരകള്ക്കും സമര്പ്പിക്കുകയാണ്.വിഷയത്തിലെ സത്യാവസ്ഥ തിരിച്ചറിഞ്ഞ് തങ്ങളുടെ പോരാട്ടത്തിനൊപ്പം നിന്ന മാധ്യമങ്ങള്ക്കും പിന്തുണച്ചവര്ക്കും ഒരു പാട് നന്ദിയുണ്ടെന്നും പ്രീതാഷാജി പറഞ്ഞു.കോടതി നിര്ദേശിച്ച പ്രകാരം പണം അടച്ച് വീടും വസ്തുവും തിരിച്ചെടുക്കുമെന്നൂം മാര്ച്് 15 നുള്ളില് എല്ലാ നടപടിക്രമങ്ങളും പൂര്ത്തിയാക്കുമെന്നും പ്രീതാ ഷാജി കൂട്ടിച്ചേര്ത്തു.1994ല് സുഹൃത്തിന് രണ്ട് ലക്ഷം രൂപ വായ്പയെടുക്കാന് ജാമ്യം നിന്ന പ്രീതാ ഷാജിയുടെ കുടുംബം 2.7 കോടി രൂപയുടെ കടക്കെണിയില് പെടുകയായിരുന്നു. തുടര്ന്ന് സ്വകാര്യ ബാങ്ക് ജപ്തി നടപടികളിലേക്ക് കടന്നു. 18.5 സെന്റ് വരുന്ന കിടപ്പാടം കേവലം 37.5 ലക്ഷം രൂപക്കാണ് ഡെബ്റ്റ് റിക്കവറി ട്രിബ്യൂണല് (ഡിആര്ടി) ലേലത്തില് വിറ്റത്. ഇതിനെ ചോദ്യം ചെയ്താണ് പ്രീതാ ഷാജിയും കുടുംബവും ഹൈക്കോടതിയെ സമീപിച്ചത്.