ചില ദേശാടനപക്ഷികള്ക്ക് കേരളം ഇഷ്ടഭൂമിയായി മാറി; മോദിയെ ലക്ഷ്യമിട്ട് മുഖ്യമന്ത്രി
വരുന്നവരുടെ ഉദ്ദേശം എന്താണെന്നും നമ്മളെയെല്ലാം അസ്വസ്ഥമാക്കുന്നതോ, ഭയചകിതരാക്കുന്നതോ ആണെന്നും അദ്ദേഹം പറഞ്ഞു.
കണ്ണൂര്: ചില ദേശാടനപക്ഷികള്ക്ക് കേരളം ഇഷ്ടഭൂമിയായി മാറിയിട്ടുണ്ടെന്ന് മുഖ്യമന്ത്രി പിണറായി വിജയന്. മരുഭൂമിയില് നിന്നാണ് ഇങ്ങനെയുള്ള ദേശാടനപ്പക്ഷികള് ഇടയ്ക്കിടെ കേരളത്തിലെത്തുന്നത്. വരുന്നവരുടെ ഉദ്ദേശം എന്താണെന്നും നമ്മളെയെല്ലാം അസ്വസ്ഥമാക്കുന്നതോ, ഭയചകിതരാക്കുന്നതോ ആണെന്നും അദ്ദേഹം പറഞ്ഞു. പ്രധാനമന്ത്രി നരേന്ദ്രമോദി കേരളത്തില് വിവിധ പരിപാടികളില് പങ്കെടുക്കാന് എത്തുന്ന ദിവസമാണ് മുഖ്യമന്ത്രി പിണറായി വിജയന്റെ പരാമര്ശം. കേരള ജൈവവൈവിധ്യ ബോര്ഡിന്റെ ആഭിമുഖ്യത്തില് കണ്ണൂരില് സംഘടിപ്പിച്ച ജൈവ വൈവിധ്യ കോണ്ഗ്രസ് ഉദ്ഘാടനം ചെയ്യുകയായിരുന്നു അദ്ദേഹം.