പരപ്പനങ്ങാടി: സദ്ദാം ബീച്ചില്‍ വളര്‍ത്തുപ്രാവുകളെ സാമൂഹിക വിരുദ്ധര്‍ തലയറുത്തുകൊന്നു. സദ്ദാം ബീച്ചിലെ ചീരങ്ങന്‍ അക്ബര്‍ വളര്‍ത്തുന്ന പ്രാവുകളില്‍ പത്തോളംപ്രാവുകളെയാണ് സാമൂഹിക വിരുദ്ധര്‍ രാത്രിയുടെ മറവില്‍ തലയറുത്തുകൊന്നത്. ശനിയാഴ്ച അര്‍ധരാത്രിയില്‍ സംഭവിച്ചതാണെന്നാണ് കരുതുന്നത്.
ഇന്നലെ രാവിലെ കൂട് തുറന്ന നിലയിലാണ് കണ്ടത്. പ്രാവുകളെറോഡരികില്‍ കഴുത്തറുത്ത നിലയിലാണ് ശ്രദ്ധയില്‍പ്പെട്ടത്. റോഡരികിലെ വീടിനോടുചേര്‍ന്ന് സ്ഥാപിച്ച കൂടുകളിലാണ് പ്രാവുകളെ സൂക്ഷിച്ചിരുന്നത്. ഈ കൂട് തകര്‍ത്താണ് ക്രൂരത കാട്ടിയിരിക്കുന്നത്. 2000 മുതല്‍ 5000 രൂപ വരെ വിലയുള്ള പ്രാവുകള്‍ വലിയ ടൂര്‍ണമെന്റുകളില്‍ പറത്തല്‍ മല്‍സരത്തിന് കൊണ്ടുപോവുന്നതാണെന്നും 30,000 രൂപയുടെ നഷ്ടമുണ്ടായതായും അക്ബര്‍ പറഞ്ഞു.