പാലാരിവട്ടം മേൽപാലം: നിർമ്മാണത്തിലെ ക്രമക്കേടിൽ കുറ്റക്കാർക്കെതിരേ കർശന നടപടിയെന്ന് മന്ത്രി

തിരുവനന്തപുരം: പാലാരിവട്ടം മേൽപാല നിർമ്മാണത്തിലെ ക്രമക്കേടിൽ കുറ്റക്കാരായ ഉദ്യോഗസ്ഥർക്കെതിരേ കർശന നടപടിയെടുക്കുമെന്ന് മന്ത്രി ജി സുധാകരൻ. അന്വേഷണം ശക്തമായി നടക്കുകയാണ്. കിറ്റ്കോ മേൽനോട്ടം വഹിച്ച എല്ലാ നിർമ്മാണങ്ങളും അന്വേഷിക്കുമെന്നും മന്ത്രി നിയമസഭയിൽ പറഞ്ഞു.

കിറ്റ്കോയ്ക്കായിരുന്നു നിർമ്മാണ മേൽനോട്ടം. ഈ പാലത്തിന്റെ ഡിസൈനിൽ തന്നെ ഗുരുതരപ്രശ്നങ്ങളുണ്ട്. അതുപോലും കണ്ടെത്താൻ ബന്ധപ്പെട്ടവർക്ക് കഴിഞ്ഞിട്ടില്ല. അതിന്റെ തുടർച്ചയായാണ് നിർമ്മാണത്തിൽ ഗുരുതര പിഴവുണ്ടായത്.

കഴിഞ്ഞ യുഡിഎഫ് സർക്കാരിന്റെ ഭരണകാലത്ത് നടന്ന എല്ലാ നിർമ്മാണങ്ങളെ കുറിച്ചും അന്വേഷിക്കാൻ സാധിക്കില്ല. പരാതി ലഭിച്ചാൽ അന്വേഷണം നടത്താമെന്നും മന്ത്രി സഭയെ അറിയിച്ചു.