കല്‍പ്പറ്റ: ഡോക്യുമെന്ററി സംവിധായകനും എഴുത്തുകാരനുമായ ഒ കെ ജോണി ബുദ്ധമതം സ്വീകരിച്ചതായി ഒരു ഓണ്‍ലൈന്‍ മാധ്യമം റിപോര്‍ട്ട് ചെയ്തു. ബീഹാറിലെ ഭിക്ഷു സംഘത്തിന്റെ ബോധ്ഗയയിലെ ആസ്ഥാനത്തു നടന്ന ചടങ്ങില്‍ അന്താരാഷ്ട്ര ബുദ്ധിസ്റ്റ് കൗണ്‍സില്‍ അധ്യക്ഷന്‍ ഭിക്ഷു പ്രഗ്യാദീപാണ് ജോണിയെ ബുദ്ധിസത്തിലേക്ക് നയിച്ചത്.
ചെറുപ്പകാലത്ത് തന്നെ തനിക്ക് ബുദ്ധമതത്തോട് ആഭിമുഖ്യമുണ്ടായിരുന്നവെന്നും ഹെര്‍മന്‍ ഹെസ്സയുടെ 'സിദ്ധാര്‍ഥ' എന്ന നോവല്‍ വായിച്ചതിനുശേഷമാണ് തനിക്ക് ബുദ്ധമതത്തോടുള്ള ആഭിമുഖ്യം വര്‍ധിച്ചതെന്നും ജോണി പറഞ്ഞു.