'ഈരാറ്റുപേട്ടക്കാര്ക്ക് വിലയിടാന് പൂഞ്ഞാറിന്റെ എംഎല്എ വളര്ന്നിട്ടില്ല': പി സി ജോര്ജ്ജിനെതിരേ പുത്തന് പള്ളി ഇമാം (വീഡിയോ)
ഈവിടുത്ത െ്രെകസ്തവ സമുദായവും ഹിന്ദു സമുദായവും മുസ്ലിം സമുദായവും ഒന്നിച്ച് നില്ക്കുന്നവരാണ്.ഇനി നിയമസഭയുടെ പടി ഈ പൂഞ്ഞാറ് മണ്ണില് നിന്ന് പി സി ജോര്ജ് കാണില്ല എന്ന് എഴുതിവച്ചോളൂ' എന്നാണ് പുത്തന്പള്ളി ഇമാം നാദിര് മൗലവി പ്രസംഗിക്കുന്നത്.
ഈരാറ്റുപേട്ട: മുസ്ലിംകളെ തീവ്രവാദികളായി ചിത്രീകരിച്ച പി സി ജോര്ജ്ജിനെതിരേ പുത്തന്പള്ളി ഇമാം നാദിര് മൗലവിയുടെ പ്രസംഗം സമൂഹമാധ്യമങ്ങളില് വൈറലാകുന്നു. എന്ഡിഎയിലേക്ക് പോയ പി സി ജോര്ജിനെ പിന്തിരിപ്പിക്കാനായി ഓസ്ട്രേലിയയില് നിന്ന് വിളിക്കുന്നുവെന്ന് പറഞ്ഞ് വിളിച്ചയാളോടാണ് പി സി ജോര്ജ്ജ് മുസ്ലിംവിരുദ്ധ പരാമര്ശം നടത്തിയത് ഏറെ വിവാദമായിരുന്നു.
ഈരാറ്റുപേട്ടയിലെ മുസ്ലീങ്ങള് തനിക്ക് വേണ്ടി ഒന്നും ചെയ്തിട്ടില്ലെന്നും മുസ്ലീങ്ങള് ശ്രീലങ്കയിലടക്കം കത്തോലിക്കാ പള്ളിക്കെതിരെ അക്രമണം നടത്തുകയാണെന്നും പി സി ജോര്ജ് പറഞ്ഞിരുന്നു. ഇതിനെതിരെ നടത്തിയ പ്രതിഷേധ സംഗമത്തിലാണ് മൗലവി പി സി ജോര്ജിനെ രൂക്ഷമായി വിമര്ശിച്ചത്.
' പി സി ജോര്ജ് എംഎല്എ രാജിവെക്കുക. അതാണ് നമ്മുടെ ആവശ്യം എന്ന് പറഞ്ഞാണ് മൗലവിയുടെ വീഡിയോ തുടങ്ങുന്നത്. 1980 മുതല് മുസ്ലിം സമുദായത്തിന്റെ വോട്ട് വാങ്ങി ഒരു ഭാഗത്ത് നമ്മളെ പിന്തുണയ്ക്കുകയും മറുഭാഗത്ത് പോയി നമ്മളെ കാല് വാരുകയും ഈ സമുദായത്തെ ഒന്നടക്കം വര്ഗീയ കാപാലികര്ക്ക് ഒറ്റിക്കൊടുക്കുകയും ചെയ്ത എംഎല്എയുമായി ഇനിയൊരു സന്ധിയും ഈ സമുദായത്തിനില്ല എന്നുള്ള ശക്തമായ പ്രഖ്യാപനമാണ് ഈ ഒത്തു ചേരല് എന്ന കാര്യത്തില് തര്ക്കമില്ല. ഈവിടുത്ത െ്രെകസ്തവ സമുദായവും ഹിന്ദു സമുദായവും മുസ്ലിം സമുദായവും ഒന്നിച്ച് നില്ക്കുന്നവരാണ്. ജാതിയും മതവും നോക്കാതെ നില്ക്കുന്നവരാണ് ഈരാറ്റുപേട്ടക്കാര്. ഈരാറ്റുപേട്ടക്കാര്ക്ക് വിലയിടാന് പൂഞ്ഞാറിന്റെ എംഎല്എ വളര്ന്നിട്ടില്ല. ഇയാളെ പുറത്താക്കാന് ഈ നാട്ടുകാര്ക്ക് കഴിയും. നിങ്ങള് കാണാന് പോകുകയാണ്. ഇനി നിയമസഭയുടെ പടി ഈ പൂഞ്ഞാറ് മണ്ണില് നിന്ന് പി സി ജോര്ജ് കാണില്ല എന്ന് എഴുതിവച്ചോളൂ' എന്നാണ് പുത്തന്പള്ളി ഇമാം നാദിര് മൗലവി പ്രസംഗിക്കുന്നത്.
'ഈരാറ്റുപേട്ടയിലെ മുസ്ലീങ്ങളെ തീവ്രവാദിയെന്ന് വിളിച്ച് ഈരാറ്റുപേട്ടയിലെ െ്രെകസ്തവരെ തനിക്കൊപ്പം നിര്ത്തി അടുത്തതവണ എംഎല്എയാകാമെന്ന് അയാള് കരുതുന്നിണ്ടാകും. ഇല്ല ജോര്ജ്. ഒരിക്കലും ഇല്ല. ഇനി നിയമസഭയുടെ കവാടം കാണണമെങ്കില് ഈരാറ്റുപേട്ടക്കാരുടെ ഒപ്പില്ലാതെ കഴിയില്ല'. നാദിര് മൗലവി പറഞ്ഞു.