സിപിഎമ്മുമായി സഹകരിക്കാന് തയാറെന്ന് മുല്ലപ്പളളി രാമചന്ദ്രന് പറഞ്ഞത് കേരളത്തില് യുഡിഎഫിന്റെ നില പരുങ്ങലിലായതിനാല്:മന്ത്രി ഇ പി ജയരാജന്
എസ് രാജേന്ദ്രന് എംഎല്എ ദേവികുളം സബ്കലക്ടറെ അധിക്ഷേപിച്ച് സംസാരിച്ച സംഭവം തനിക്കറിയില്ലെന്ന് മന്ത്രി
കൊച്ചി: ആയുധം താഴെ വെച്ചാല് കേരളത്തില് സിപി എമ്മുമായി സഹകരിക്കാന് തയാറാണെന്ന കെപിസിസി പ്രസിഡന്റ് മുല്ലപ്പള്ളി രാമചന്ദ്രന്റെ പ്രസ്താവനയെ പരിഹസിച്ച് മന്ത്രി ഇ പി ജയരാജന്. കേരളത്തില് യുഡിഎഫിന്റെയും മുല്ലപ്പള്ളി രാമചന്ദ്രന്റെയും നില പരുങ്ങലിലാണെന്നും അതിനാലാണ് സിപി എമ്മുമായി സഹകരിക്കാന് അവര് തയാറാണെന്ന് അദ്ദേഹം പറഞ്ഞതെന്ന് മന്ത്രി ഇ പി ജയരാജന് പറഞ്ഞു. കൊച്ചിയില് മാധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം. എസ് രാജേന്ദ്രന് എംഎല്എ ദേവികുളം സബ്കലക്ടറെ അധിക്ഷേപിച്ച് സംസാരിച്ച സംഭവം തനിക്കറിയില്ലെന്ന് ചോദ്യത്തിന് മറുപടിയായി മന്ത്രി ഇ പി ജയരാജന് പറഞ്ഞു.അറിയാത്ത കാര്യത്തെക്കുറിച്ച് തനിക്ക് ഒന്നും പറയാന് കഴിയില്ലെന്നും ഇ പി ജയരാജന് പറഞ്ഞു.