ബസിലിരുന്ന് അബദ്ധത്തില് കൈ പുറത്തിട്ടു; ടോള് പ്ലാസയിലെ തൂണില് തട്ടി അമ്മയ്ക്കും കുട്ടിക്കും ഗുരുതര പരിക്ക്
മലപ്പുറം: വെട്ടിച്ചിറ ടോള് പ്ലാസയിലെ തൂണില് കൈ തട്ടി രണ്ടുപേര്ക്ക് ഗുരുതര പരിക്ക്. ടോള് പ്ലാസയില് ബസ് എത്തിയ സമയത്ത് ബസില് നിന്ന് അബദ്ധത്തില് കൈ പുറത്തിട്ടപ്പോഴാണ് തൂണില് തട്ടിയത്.കോതമംഗലത്ത് നിന്നും വയനാട്ടിലേക്ക് ബന്ധുവിന്റെ കല്യാണ ചടങ്ങുകള്ക്കായി പോകുന്നതിനിടെയാണ് അമ്മയും കുട്ടിയും അപകടത്തില്പെട്ടത്. ഇരുവരും കോഴിക്കോട്ടെ സ്വകാര്യ ആശുപത്രിയില് ചികില്സയിലാണ്.