വയനാട്ടിലെ സ്ഥാനാര്ഥികള്ക്ക് മാവോവാദി ഭീഷണിയെന്ന്; തുഷാറിനും സുനീറിനും ഗണ്മാന്മാര്
സ്ഥാനാര്ഥികളെ തട്ടിക്കൊണ്ടുപോവാനോ പ്രചാരണസ്ഥലത്ത് മാവോവാദികള് ആക്രമണം നടത്താനോ സാധ്യതയുണ്ടെന്നാണ് ഇന്റലിജന്സ് റിപോര്ട്ടില് പറയുന്നത്. വനത്തോട് ചേര്ന്ന് കിടക്കുന്ന മേഖലകളില് സ്ഥാനാര്ഥികള് പ്രചാരണം നടത്തുമ്പോള് പ്രത്യേക സുരക്ഷ ഉറപ്പാക്കണമെന്ന് ഇന്റലിജന്സ് മുന്നറിയിപ്പ് നല്കി.
കല്പ്പറ്റ: വയനാട്ടിലെ എല്ഡിഎഫ്, എന്ഡിഎ സ്ഥാനാര്ഥികള്ക്ക് മാവോവാദികളുടെ ഭീഷണിയുണ്ടെന്ന് ഇന്റലിജന്സ് റിപോര്ട്ട്. സ്ഥാനാര്ഥികളെ തട്ടിക്കൊണ്ടുപോവാനോ പ്രചാരണസ്ഥലത്ത് മാവോവാദികള് ആക്രമണം നടത്താനോ സാധ്യതയുണ്ടെന്നാണ് ഇന്റലിജന്സ് റിപോര്ട്ടില് പറയുന്നത്. വനത്തോട് ചേര്ന്ന് കിടക്കുന്ന മേഖലകളില് സ്ഥാനാര്ഥികള് പ്രചാരണം നടത്തുമ്പോള് പ്രത്യേക സുരക്ഷ ഉറപ്പാക്കണമെന്ന് ഇന്റലിജന്സ് മുന്നറിയിപ്പ് നല്കി.
സുരക്ഷാ മുന്നറിയിപ്പിന്റെ അടിസ്ഥാനത്തില് എല്ഡിഎഫ് സ്ഥാനാര്ഥി പി പി സുനീറിനും എന്ഡിഎ സ്ഥാനാര്ഥി തുഷാര് വെള്ളാപ്പള്ളിക്കും സുരക്ഷ ശക്തമാക്കാന് നിര്ദേശം നല്കിയിട്ടുണ്ട്. ഇരുവര്ക്കും ഉടന് പേഴ്സണല് ഗണമാന്മാരെ നിയമിക്കും. ഇതോടൊപ്പം വനാതിര്ത്തികളിലെ പ്രചാരണത്തിന് ശക്തമായ നിരീക്ഷണം ഏര്പ്പെടുത്താനും പോലിസ് തീരുമാനിച്ചിട്ടുണ്ട്. ലോക്സഭാ തിരഞ്ഞെടുപ്പ് പ്രചാരണം ജില്ലയില് സജീവമായതിന് പിന്നാലെ തിരഞ്ഞെടുപ്പ് ബഹിഷ്കരിക്കണമെന്നാവശ്യപ്പെട്ട് മാവോവാദികളുടെ പേരില് പലയിടത്തും പോസ്റ്ററുകള് പ്രത്യക്ഷപ്പെട്ടിരുന്നു.