നിയന്ത്രണവുമായി കെഎസ്ആർടിസിയും; ദീർഘദൂര സർവീസുകൾ വെട്ടിച്ചുരുക്കും
നാളെ മുതൽ കെഎസ്ആർടിസി ദീർഘദൂര സർവീസുകൾ വെട്ടിക്കുറയ്ക്കുമെന്ന് ഗതാഗതമന്ത്രി എ കെ ശശീന്ദ്രൻ അറിയിച്ചു.
തിരുവനന്തപുരം: സംസ്ഥാനത്ത് കൊറോണ വൈറസ് വ്യാപിക്കുന്ന പശ്ചാത്തലത്തിൽ സർവീസുകൾ വെട്ടിക്കുറച്ച് കെഎസ്ആർടിസിയും നിയന്ത്രണം ശക്തമാക്കുന്നു. നാളെ മുതൽ കെഎസ്ആർടിസി ദീർഘദൂര സർവീസുകൾ വെട്ടിക്കുറയ്ക്കുമെന്ന് ഗതാഗതമന്ത്രി എ കെ ശശീന്ദ്രൻ അറിയിച്ചു.
യാത്രക്കാരുടെ എണ്ണം നോക്കി മാത്രമായിരിക്കും ഇനി സർവീസ് നടത്തുക. തൊട്ടടുത്തുള്ള ജില്ലകളിലേക്കുള്ള സർവീസ് ഉറപ്പാക്കുമെന്നും മന്ത്രി പറഞ്ഞു. ജനതാ കർഫ്യൂ പ്രഖ്യാപിച്ച ഇന്ന് കെഎസ്ആർടിസി സർവീസുകൾ നിർത്തിവച്ചിട്ടുണ്ട്.