ഗവർണർക്കെതിരായ പ്രമേയം എൽഡിഎഫ് നിരാകരിക്കുന്നത് ബിജെപിയുടെ മുന്നിൽ നല്ലപിള്ള ചമയാൻ: കെ സി ജോസഫ്

തിരുവനന്തപുരം: നിയമസഭയെ അവഹേളിച്ച ഗവർണറെ തിരിച്ചുവിളിക്കണമെന്ന പ്രതിപക്ഷ നേതാവിന്റെ നോട്ടീസ് നിയമസഭാ ചട്ടങ്ങൾ അനുസരിച്ചു തന്നെയാണെന്ന് കോൺഗ്രസ് നിയമസഭാകക്ഷി ഉപനേതാവ് കെ സി ജോസഫ് എംഎൽഎ പറഞ്ഞു. നോട്ടീസ് ചർച്ച ചെയ്യാൻ അവസരം ഉണ്ടാക്കണം.

പ്രമേയത്തെ എൽഡിഎഫ് നിരാകരിക്കുന്നത് ബിജെപിയുടെ മുന്നിൽ നല്ലപിള്ള ചമയാനാണ്. ഗവർണറുടെ നിലപാടിനെ വിമർശിക്കാൻ മുഖ്യമന്ത്രി തയ്യാറാകാത്തത് ബിജെപിയെ പ്രീണിപ്പിക്കാനാണ്. മുയലിനോടൊപ്പം ഓടാനും വേട്ടപ്പട്ടിയോടൊപ്പം വേട്ടയാടാനുമുള്ള മുഖ്യമന്ത്രിയുടേയും സിപിഎമ്മിന്റേയും നീക്കത്തിന്റെ പൊള്ളത്തരം ജനങ്ങൾ തിരിച്ചറിയുമെന്നും കെ സി ജോസഫ് പറഞ്ഞു.