തനിക്കെതിരെ നടന്നത് എസ്എഫ്ഐയുടെ ആസൂത്രിത ആക്രമണം: അഖില്‍
എസ്എഫ്ഐ നേതൃത്വത്തെ ചോദ്യം ചെയ്തതും വ്യക്തി വൈരാഗ്യവുമാണ് ആക്രമണത്തിന് കാരണം. എസ്എഫ്ഐ യൂണിറ്റ് കമ്മിറ്റി ചേര്‍ന്നാണ് ആക്രമിക്കാന്‍ തീരുമാനിച്ചത്. നേതാക്കള്‍ ഇതിനായി പലതവണ പദ്ധതിയിട്ടിരുന്നു.
തിരുവനന്തപുരം: തനിക്കെതിരെ നടന്നത് എസ്എഫ്ഐയുടെ ആസൂത്രിത ആക്രമണമെന്ന് യൂനിവേഴ്സിറ്റി കോളജ് ആക്രമണത്തില്‍ കുത്തേറ്റ എസ്എഫ്ഐ പ്രവര്‍ത്തകന്‍ അഖില്‍. എസ്എഫ്ഐ നേതൃത്വത്തെ ചോദ്യം ചെയ്തതും വ്യക്തി വൈരാഗ്യവുമാണ് ആക്രമണത്തിന് കാരണം.
എസ്എഫ്ഐ യൂണിറ്റ് കമ്മിറ്റി ചേര്‍ന്നാണ് ആക്രമിക്കാന്‍ തീരുമാനിച്ചത്. നേതാക്കള്‍ ഇതിനായി പലതവണ പദ്ധതിയിട്ടിരുന്നു. കോളജിൽ എസ്എഫ്ഐയുടെ ഇടിമുറിയുണ്ട്. തന്നെ ഉള്‍പ്പടെ പലരേയും അവിടെ കൊണ്ടുപോയി മര്‍ദ്ദിച്ചിട്ടുണ്ട്.
നസീമും ശിവരഞ്ജിത്തും ഉള്‍പ്പടെയുള്ളവര്‍ നിരന്തരം മര്‍ദിച്ചിരുന്നു. ഇതിന്റെ തുടര്‍ച്ചയായാണ് തനിക്ക് കുത്തേറ്റത്. നിയമ നടപടികളുമായി മുന്നോട്ട് പോകും. അതേസമയം, തന്റെ ചികിത്സക്ക് സിപിഎം സഹായിച്ചെന്നും താന്‍ ഇപ്പോഴും എസ്എഫ്ഐ പ്രവര്‍ത്തകന്‍ തന്നെയാണെന്നും അഖില്‍ പ്രതികരിച്ചു.