നിക്ഷേപത്തട്ടിപ്പ്: എം സി ഖമറുദ്ദീനെതിരായ പരാതി നിയമസഭാ സമിതി അന്വേഷിക്കും
എ പ്രദീപ്കുമാര്‍ ചെയര്‍മാനായ ഒമ്പതംഗ സമിതിയാണ് പരാതി പരിഗണിക്കുന്നത്.
തിരുവനന്തപുരം: നിക്ഷേപത്തട്ടിപ്പ് കേസില്‍ മുസ്‌ലിംലീഗ് എംഎല്‍എ എം സി ഖമറുദ്ദീനെതിരായ പരാതി നിയമസഭാ സമിതി അന്വേഷിക്കും. ഖമറുദ്ദീന്റെ തട്ടിപ്പുകള്‍ നിയമസഭാ സാമാജികരുടെ പെരുമാറ്റച്ചട്ടങ്ങളുടെ ലംഘനമാണെന്ന് ചൂണ്ടിക്കാട്ടി എം രാജഗോപാലന്‍ എംഎല്‍എ നല്‍കിയ പരാതി സ്പീക്കര്‍ പ്രിവിലേജസ് ആന്റ് എത്തിക്‌സ് കമ്മിറ്റിയ്ക്ക് വിടുകയായിരുന്നു.
ഖമറുദ്ദീന്‍ ജ്വല്ലറി തട്ടിപ്പിലൂടെ 742 നിക്ഷേപകരില്‍നിന്ന് 132 കോടി രൂപ തട്ടിയെടുത്തെന്ന പരാതികളാണ് സമിതി പരിശോധിക്കുന്നത്. എ പ്രദീപ്കുമാര്‍ ചെയര്‍മാനായ ഒമ്പതംഗ സമിതിയാണ് പരാതി പരിഗണിക്കുന്നത്.