തിരുവനന്തപുരം: വെള്ളറടയില്‍ ദമ്പതികളെ ആത്മഹത്യ ചെയ്ത നിലയില്‍ കണ്ടെത്തി. കീഴാറ്റൂര്‍ മരുതംകോട് ലിനി ഭവനില്‍ ചന്ദ്രന്‍(60), ഭാര്യ ലീല(56) എന്നിവരെയാണ് ആസിഡ് ഉള്ളില്‍ ചെന്ന് മരിച്ച നിലയില്‍ കണ്ടെത്തിയത്. ചന്ദ്രനെ വീടിനുള്ളില്‍ ഹാളിലും ലീലയെ വീടിനു പിന്നിലെ പറമ്പിലുമാണ് മരിച്ചനിലയില്‍ കണ്ടെത്തിയത്.
മരണകാരണം വ്യക്തമല്ല. ഇവരുടെ രണ്ടു പെണ്‍മക്കളും വിവാഹിതരായി മാറിതാമസിക്കുകയാണ്. ആര്യന്‍കോട് പോലിസ് കേസെടുത്തു. മൃതദേഹം തിരുവനന്തപുരം മെഡിക്കല്‍ കോളജ് മോര്‍ച്ചറിയില്‍.