സ്വര്‍ണവില കാല്‍ലക്ഷം കടന്നു; പവന് 25,160 രൂപ
ഗ്രാമിന് 3,145 രൂപയും പവന് 25,160 രൂപയുമാണ് ഇന്നത്തെ സ്വര്‍ണവില.
തിരുവനന്തപുരം: സംസ്ഥാനത്ത് സ്വര്‍ണവില കാല്‍ലക്ഷം കടന്ന് വീണ്ടും റെക്കോഡിലേക്ക്. ഗ്രാമിന് 3,145 രൂപയും പവന് 25,160 രൂപയുമാണ് ഇന്നത്തെ സ്വര്‍ണവില. കഴിഞ്ഞ രണ്ടുദിവസങ്ങളിലായി 24,920 നിലവാരത്തിലായിരുന്നു സ്വര്‍ണവില. അതേസമയം, ഫെബ്രുവരി 13ന് 24,400 എന്ന നിലാവരത്തിലേയ്ക്ക് വില താഴുകയും ചെയ്തിരുന്നു.
അന്താരാഷ്ട്ര വിപണിയില്‍ സ്വര്‍ണവിലയിലുണ്ടായ വര്‍ധനയാണ് വില റെക്കോര്‍ഡ് നിലവാരത്തിലേക്ക് ഉയരാന്‍ കാരണമായത്. കൂടാതെ രൂപയുടെ മൂല്യത്തകര്‍ച്ചയും രാജ്യത്തെ സ്വര്‍ണ ഇറക്കുമതി കുറഞ്ഞതും ആഭ്യന്തരവിപണിയില്‍ പ്രതിഫലിച്ചു.