മലപ്പുറം: ഹാഥ്‌റസില്‍ നടന്ന ദലിത് പീഡനം റിപോര്‍ട്ട് ചെയ്യാന്‍ പോയ മാധ്യമപ്രവര്‍ത്തകനായ സിദ്ദീഖ് കാപ്പനെ യുഎപിഎ ചുമത്തി തടങ്കലില്‍ ക്രൂരമായി പീഡിപ്പിക്കുന്നതില്‍നിന്നും യോഗി സര്‍ക്കാര്‍ പിന്‍മാറണമെന്നും മനുഷ്യത്വപരമായ പരിഗണനയും ഭരണഘടനാ അവകാശങ്ങളും അനുവദിച്ചുനല്‍കണമെന്നും സുന്നി യുവജന ഫെഡറേഷന്‍ (എസ്‌വൈഎഫ്) ജനറല്‍ സെക്രട്ടറി ഇ പി അഷ്‌റഫ് ബാഖവി കാളികാവ് ആവശ്യപ്പെട്ടു.
ജനാധിപത്യ, മതേതര ഇന്ത്യയുടെ മൂന്നും നാലും തൂണുകളായി വര്‍ത്തിക്കുന്ന ജുഡീഷ്യറിയും മീഡിയയും പൗരന്റെ അവകാശങ്ങളുടെ കാവല്‍ക്കാരാണ്. അവരുടെ പ്രവര്‍ത്തനസ്വാതന്ത്ര്യത്തിനുമേലുളള ഏതുതരം കൈയേറ്റവും ഭരണഘടന നല്‍കുന്ന അവകാശങ്ങളുടെ ധ്വംസനമാണെന്ന് അദ്ദേഹം വാര്‍ത്താക്കുറിപ്പില്‍ പറഞ്ഞു.