വീടുപണിക്ക് സൂക്ഷിച്ചിരുന്ന ജനല് പാളി ദേഹത്തേക്ക് വീണു; ഒന്നാം ക്ലാസ് വിദ്യാര്ഥി മരിച്ചു
അടൂര്: വീടുപണിക്കു വേണ്ടി സൂക്ഷിച്ചിരുന്ന ജനല് പാളി വീണ് ഒന്നാം ക്ലാസ് വിദ്യാര്ഥി മരിച്ചു. അടൂര് ഏഴംകുളം അറുകാലിക്കല് വെസ്റ്റ് ചരുവിള പുത്തന്വീട്ടില് തനൂജ് കുമാറിന്റേയും ആര്യയുടേയും മകന് ദ്രുപത് തനൂജ്(7) ആണ് മരിച്ചത്. ഓമല്ലൂര് കെവിയിലെ ഒന്നാം ക്ലാസ് വിദ്യാര്ഥിയായിരുന്നു. ഇന്ന് രാവിലെ 10-നായിരുന്നു സംഭവം. വീടുപണിക്കു വേണ്ടി സൂക്ഷിച്ചിരുന്ന ജനല് കട്ടളയാണ് അബദ്ധത്തില് ദ്രുപതിന്റെ ശരീരത്തിലേക്ക് വീണത്. തലയ്ക്കാണ് പരിക്കേറ്റത്.
തുടര്ന്ന് അടൂരിലെ സ്വകാര്യ ആശുപത്രയില് എത്തിച്ചെങ്കിലും മരിച്ചു. കോന്നി താലൂക്ക് ആശുപത്രിയില് പോസ്റ്റ്മോര്ട്ടത്തിനു ശേഷം വൈകിട്ടോടെ മൃതദേഹം വീട്ടില് എത്തിച്ചു. അടൂര് ഹോളി ഏഞ്ചല്സ് സ്കൂളിലെ ആറാം ക്ലാസ്സ് വിദ്യാര്ത്ഥിയായ അദ്വൈതാണ് സഹോദരന്. ദ്രുപതിന്റെ പിതാവ് അടൂര് ബൈപ്പാസില് സ്കൈലൈന് എന്ന പേരില് അലുമിനിയം സ്റ്റീല് വര്ക്കുകളുടെ ബിസിനസ് നടത്തുന്ന സ്ഥാപനത്തിന്റെ ഉടമയാണ് സംസ്കാര ചടങ്ങുകള് നാളെ നടക്കും.