കുന്നംകുളത്ത് ക്ഷേത്രോത്സവത്തിനിടെ ആനകള്‍ ഇടഞ്ഞു; രണ്ട് പേര്‍ക്ക് പരിക്ക്
ചിറക്കല്‍ പരമേശ്വരന്‍, നന്ദിലത്ത് ഗോപാലകൃഷ്ണന്‍ എന്നി ആനകളാണ് ഇടഞ്ഞത്. കൂട്ടി യെഴുന്നെള്ളിപ്പിനു ഇടയിലാണ് സംഭവം.
കുന്നംകുളം : അരുവായി ചിറ വരമ്പത്തുകാവ് ക്ഷേത്രോത്സവത്തിനിടെ രണ്ട് ആനകള്‍ ഇടഞ്ഞു. രണ്ട് പേര്‍ക്ക് പരിക്ക്. ചിറക്കല്‍ പരമേശ്വരന്‍, നന്ദിലത്ത് ഗോപാലകൃഷ്ണന്‍ എന്നി ആനകളാണ് ഇടഞ്ഞത്. കൂട്ടി യെഴുന്നെള്ളിപ്പിനു ഇടയിലാണ് സംഭവം. ആനയിടഞ്ഞതോടെ ജനങ്ങള്‍ പരിഭ്രാന്തരായി. തിക്കിലും തിരക്കിലും പെട്ടാണ് രണ്ടു പേര്‍ക്ക് പരിക്കേറ്റത്. കാട്ടകാമ്പാല്‍ മാരാത്ത് രാംദാസ്(62), വടകര സ്വദേശി രാധാകൃഷ്ണന്‍(47) എന്നിവര്‍ക്കാണ് പരിക്ക്. ഇവരെ കുന്നംകുളം താലൂക്ക് ആശുപത്രിയില്‍ പ്രവേശിപ്പിച്ചു. എലിഫന്റ് സ്‌ക്വാഡ് എത്തി എത്തി ആനകളെ തളച്ചു.