നെടുങ്കണ്ടം കസ്റ്റഡി മരണത്തില് പോലിസിന് ഗുരുതര വീഴച്ച; കൂടുതല് തെളിവുകള് പുറത്ത്
കോട്ടയം മെഡിക്കല് കോളേജില് ഡോക്ടമാര്ക്കും വീഴ്ച പറ്റിയെന്നാണ് ഇപ്പോള് പുറത്ത് വരുന്ന വിവരം. ഈ രണ്ട് കാര്യങ്ങളും െ്രെകംബ്രാഞ്ച് പ്രത്യേക അന്വേഷണസംഘം അന്വേഷിക്കും. പോലിസുകാര് രാജ്കുമാറിനെ മര്ദ്ദിച്ചതിന്റെ സൂചനകളും ക്രൈംബ്രാഞ്ചിന് ലഭിച്ചിട്ടുണ്ട്.
ഇടുക്കി: പീരുമേട് സബ്ജയിലില് റിമാന്ഡിലിരിക്കെ സാമ്പത്തിക തട്ടിപ്പ് കേസ് പ്രതി രാജ്കുമാര് മരിച്ച സംഭവത്തില് പൊലിസുകാര്ക്ക് ഗുരുതര വീഴ്ച പറ്റിയെന്നതിന് കൂടുതല് തെളിവുകള് പുറത്ത്. കോട്ടയം മെഡിക്കല് കോളേജില് ഡോക്ടമാര്ക്കും വീഴ്ച പറ്റിയെന്നാണ് ഇപ്പോള് പുറത്ത് വരുന്ന വിവരം. ഈ രണ്ട് കാര്യങ്ങളും െ്രെകംബ്രാഞ്ച് പ്രത്യേക അന്വേഷണസംഘം അന്വേഷിക്കും. പോലിസുകാര് രാജ്കുമാറിനെ മര്ദ്ദിച്ചതിന്റെ സൂചനകളും ക്രൈംബ്രാഞ്ചിന് ലഭിച്ചിട്ടുണ്ട്.
രാജ്കുമാറിനെ 18, 19 തിയ്യതികളിലാണ് മെഡിക്കല് കോളജില് എത്തിച്ചത്. 19 ന് കോട്ടയം മെഡിക്കല് കോളജില് എത്തിച്ച രാജ്കുമാറിനെ ഒപി ഇല്ലാത്തതിനാല് പരിശോധിപ്പിക്കാതെ പൊലിസുകാര് തിരിച്ച് കൊണ്ടുപോയി എന്നാണ് ലഭിക്കുന്ന വിവരം. ജൂണ് 19 ന് രാജ്കുമാറിന്റെ പേര് മെഡിക്കല് കോളജിലെ ഒരു രജിസ്റ്ററിലുമില്ല. ഒപിയില് പരിശോധിച്ച ശേഷം പൊലിസുകാരുടെ ആവശ്യപ്രകാരം വിട്ടയക്കുകയായിരുന്നു. ഇതിനിടെ, പൊലിസുകാര് മര്ദ്ദിച്ചെന്ന് മരിച്ച രാജ്കുമാര് പറഞ്ഞതായി കോട്ടയം മെഡിക്കല് കോളേജിലെ ഡോക്ടര്മാര് വെളിപ്പെടുത്തുന്നു. െ്രെകംബ്രാഞ്ച് അന്വേഷണസംഘം ഇന്നോ നാളെയോ ഡോക്ടര്മാരുടെ മൊഴി എടുക്കും.
ഇടുക്കി തൂക്കുപാലത്തെ വായ്പ തട്ടിപ്പ് കേസില് പീരുമേട് ജയിലില് റിമാന്ഡിലായിരുന്ന ഇടുക്കി കോലാഹലമേട് സ്വദേശി രാജ്കുമാര് ജൂണ് 21നാണ് മരിച്ചത്. രാജ്കുമാറിന് മര്ദ്ദനമേറ്റതായി പോസ്റ്റുമോര്ട്ടം റിപ്പോര്ട്ടില് സ്ഥിരീകരണം ഉണ്ടായിരുന്നു. കേസില് െ്രെകംബ്രാഞ്ച് പ്രത്യേക അന്വേഷണസംഘം ശാസ്ത്രീയ പരിശോധനകള് ഇന്ന് തുടങ്ങും.