കൊവിഡ്: സൗജന്യ ക്വാറന്റൈന് നിരസിച്ചത് കൊടുംക്രൂരത: മുല്ലപ്പള്ളി
കേരളത്തിന്റെ വികസനക്കുതിപ്പിന് കരുത്തുപകര്ന്ന പ്രവാസികളോട് പിണറായി സര്ക്കാര് കാട്ടിയ മനുഷ്യത്വരഹിതമായ നടപടിക്ക് കാലമൊരിക്കലും മാപ്പുനല്കില്ല.
തിരുവനന്തപുരം: സൗജന്യ ക്വാറന്റൈന് നിര്ത്തലാക്കിയ സര്ക്കാര് നടപടി പിറന്ന നാട്ടില് അഭയാര്ഥികളെപ്പോലെ മടങ്ങിയെത്തുന്ന പ്രവാസികളോട് കാണിക്കുന്ന കൊടുംക്രൂരതയാണെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന്. തൊഴില് നഷ്ടമായി മടങ്ങുന്നവര് ഉള്പ്പെടെ നിശ്ചിത ദിവസത്തെ സര്ക്കാര് ക്വാറന്റൈന് ചെലവ് വഹിക്കണമെന്ന നിലപാട് പ്രതിഷേധാര്ഹമാണ്.
വിമാനയാത്രാ ടിക്കറ്റ് ചാര്ജിനത്തില് ഉയര്ന്ന തുക നല്കിയാണ് ഓരോ പ്രവാസിയും നാട്ടിലേക്ക് ഈ ദുരിതകാലത്ത് എത്തുന്നത്. കേരളത്തിന്റെ വികസനക്കുതിപ്പിന് കരുത്തുപകര്ന്ന പ്രവാസികളോട് പിണറായി സര്ക്കാര് കാട്ടിയ മനുഷ്യത്വരഹിതമായ നടപടിക്ക് കാലമൊരിക്കലും മാപ്പുനല്കില്ല. പിണറായി സര്ക്കാരിന്റെ പ്രവാസി സ്നേഹം വെറും തട്ടിപ്പാണെന്ന് എല്ലാവര്ക്കും ഇപ്പോള് ഒരിക്കല്ക്കൂടി മനസ്സിലായെന്നും മുല്ലപ്പള്ളി പറഞ്ഞു.