ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി
ഭാര്യയെ കൊലപ്പെടുത്തിയശേഷം സുനിൽ തൂങ്ങി മരിച്ചതാവാമെന്നാണ് പോലിസ് നിഗമനം.
കൊല്ലം: അഞ്ചലിൽ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി. ഇടമുളയ്ക്കൽ അമൃതഭവനിൽ സുനിൽ (34), ഭാര്യ സുജിനി (26) എന്നിവരാണ് മരിച്ചത്. ഇന്ന് പുലർച്ചെയോടെയാണ് സംഭവമെന്നു കരുതുന്നു.
സുജിനിയുടെ മൃതദേഹം തറയിലും സുനിലിനെ തൂങ്ങി മരിച്ച നിലയിലുമാണ് കാണപ്പെട്ടത്. ഭാര്യയെ കൊലപ്പെടുത്തിയശേഷം സുനിൽ തൂങ്ങി മരിച്ചതാവാമെന്നാണ് പോലിസ് നിഗമനം.
ഇവർക്ക് മൂന്നുവയസ് പ്രായമുള്ള കുഞ്ഞുണ്ട്. മകൾ നിർത്താതെ കരയുന്നത് കേട്ടാണ് അയൽവാസികൾ എത്തുന്നത്. അഞ്ചൽ പോലിസ് സ്ഥലത്തെത്തി മേൽനടപടികൾ സ്വീകരിച്ചു.