കൊല്ലത്ത് ചുരിദാര് ധരിച്ചെത്തിയ പ്രധാന അധ്യാപികയെ സ്കൂളില് പ്രവേശിപ്പിച്ചില്ലെന്ന് പരാതി
കൊല്ലം: കൊല്ലത്ത് ചുരിദാര് ധരിച്ചെത്തിയ പ്രധാന അധ്യാപികയെ സ്കൂളില് പ്രവേശിപ്പിച്ചില്ലെന്ന് പരാതി. കൊട്ടാരക്കര നെടുവത്തൂര് ഈശ്വരവിലാസം ഹയര് സെക്കന്ഡറി സ്കൂളിലായിരുന്നു സംഭവം. സ്കൂള് മാനേജരുടെ നിര്ദ്ദേശപ്രകാരമാണ് അധ്യാപികയെ തടഞ്ഞതെന്നാണ് സെക്യൂരിറ്റി പറയുന്നത്. പിന്നാലെ പ്രധാന അധ്യാപിക ഗേറ്റിന് മുന്നില് കുത്തിയിരുന്ന് പ്രതിഷേധിച്ചു. പോലിസ് എത്തിയാണ് അധ്യാപികയെ സ്കൂളില് പ്രവേശിപ്പിച്ചത്. എന്ത് വസ്ത്രമിട്ടും സ്കൂളില് വരാമെന്നും തടയാന് പറഞ്ഞിട്ടില്ലെന്നുമാണ് സ്കൂള് മാനേജരുടെ വിശദീകരണം.