മതസ്പര്ദ്ധ വളര്ത്തുന്നു; ഫാ. ജോസഫ് പുത്തന്പുരയ്ക്കലിനെതിരേ പരാതി
ക്രിസ്ത്യന്, ഹിന്ദു മതവിശ്വാസികള്ക്കിടയില് മുസ്ലിംകളോട് വിദ്വേഷവും പകയും ഉണ്ടാക്കാന് ഉദ്ദേശിച്ച് മാത്രം നടത്തിയതാണ് പ്രസ്തുത പ്രസംഗമെന്നാണ് പരാതിയില് പറയുന്നത്.
കണ്ണൂര്: പ്രസംഗത്തിനിടയില് മതസ്പര്ദ്ധ വളര്ത്തുന്ന പരാമര്ശങ്ങള് നടത്തിയ കപ്പൂച്ചിന് സഭയിലെ ഫാ. ജോസഫ് പുത്തന്പുരയ്ക്കലിനെതിരേ പരാതി. കണ്ണൂര് ജില്ലാ പോലിസ് സൂപ്രണ്ട് മുമ്പാകെ പഴയങ്ങാടി സ്വദേശി ബി തന്വീര് അഹമ്മദ് എന്നയാളാണ് പരാതി നല്കിയിരിക്കുന്നത്. മതസ്പര്ദ്ധയും വിദ്വേഷവും വളര്ത്തുന്ന തരത്തിലുള്ള പ്രസംഗം നടത്തിയെന്ന് കാണിച്ചാണ് തന്വീറിന്റെ പരാതി.
ക്രിസ്ത്യന്, ഹിന്ദു മതവിശ്വാസികള്ക്കിടയില് മുസ്ലിംകളോട് വിദ്വേഷവും പകയും ഉണ്ടാക്കാന് ഉദ്ദേശിച്ച് മാത്രം നടത്തിയതാണ് പ്രസ്തുത പ്രസംഗമെന്നാണ് പരാതിയില് പറയുന്നത്. ചരിത്രത്തെ വളച്ചൊടിച്ച് മുസ്ലിം വിരോധം ജനിപ്പിക്കാനുള്ള വാക്കുകളാണ് ഉപയോഗിച്ചിരിക്കുന്നത്.
ലോകത്താകെ ക്രിസ്ത്യാനികളെ കൊല്ലുന്നത് മുസ്ലിംകളാണെന്നുള്ള പ്രസംഗം തികച്ചും അടിസ്ഥാനരഹിതവും ജനങ്ങളില് മുസ്ലിം വിരോധം ഉണ്ടാക്കാനും മുസ്ലിംകളെ വെറുക്കാന് ആഹ്വാനം ചെയ്യുന്നതുമാണ്. നാടിന്റെ ഐക്യം തകര്ക്കാന് നോക്കിയ ഫാ. ജോസഫ് പുത്തന്പുരയ്ക്കലിനെതിരേ നിയമനടപടി സ്വീകരിക്കണമെന്നും തന്വീര് പരാതിയില് ആവശ്യപ്പെട്ടു.