അതിഥി തൊഴിലാളികൾക്ക് സൗകര്യമൊരുക്കും; പ്രിന്സിപ്പല് സെക്രട്ടറി റാങ്കിലുള്ള ഉദ്യോഗസ്ഥനെ ചുമതലപ്പെടുത്തും
തമിഴ്നാട്, നാഗാലാന്റ്, ജാര്ഖണ്ഡ്, പശ്ചിമ ബംഗാള്, മണിപ്പൂര് മുഖ്യമന്ത്രിമാര്ക്ക് ഇക്കാര്യത്തിൽ സ്വീകരിച്ച കരുതല് ചൂണ്ടിക്കാട്ടി മറുപടി അയച്ചു.
തിരുവനന്തപുരം: കേരളത്തിലുള്ള അതിഥിത്തൊഴിലാളികളെ സംബന്ധിച്ച് വിവിധ മുഖ്യമന്ത്രിമാര് കത്തുകളിലൂടെ വിവരങ്ങള് ആരാഞ്ഞിരുന്നതായി മുഖ്യമന്ത്രി പിണറായി വിജയൻ. തമിഴ്നാട്, നാഗാലാന്റ്, ജാര്ഖണ്ഡ്, പശ്ചിമ ബംഗാള്, മണിപ്പൂര് മുഖ്യമന്ത്രിമാര്ക്ക് ഇക്കാര്യത്തില് സംസ്ഥാന ഗവണ്മെന്റ് സ്വീകരിച്ച കരുതല് ചൂണ്ടിക്കാട്ടി മറുപടി അയച്ചു.
അതിഥിത്തൊഴിലാളികള്ക്ക് വേണ്ട സൗകര്യങ്ങള് നല്കുമെന്ന് അവര്ക്ക് ഉറപ്പുനല്കി. ഈ വിഷയം കൈകാര്യം ചെയ്യാന് സംസ്ഥാനതലത്തില് പ്രിന്സിപ്പല് സെക്രട്ടറി റാങ്കിലുള്ള ഉദ്യോഗസ്ഥനെ ചുമതലപ്പെടുത്തും. കൂടുതല് ഇടപെടലുകള് ആവശ്യമെങ്കില് അദ്ദേഹത്തെയോ കലക്ടര്മാരെയോ ബന്ധപ്പെടാമെന്നും മുഖ്യമന്ത്രിമാരെ അറിയിച്ചിട്ടുണ്ട്.