പ്രവാസികളെ കൊണ്ടുവരുന്നതിൽ കേന്ദ്രം ഉത്തരവാദിത്വം നിറവേറ്റണം: ബിനോയ് വിശ്വം

തിരുവനന്തപുരം: പ്രവാസികളെ തിരിച്ച് കൊണ്ടുവരുന്നതിൽ സംസ്ഥാന സർക്കാരിനേക്കാൾ ഉത്തരവാദിത്വം കേന്ദ്രത്തിനെന്ന് ബിനോയ് വിശ്വം എംപി. കേന്ദ്രം ഉത്തരവാദിത്വം നിറവേറ്റണം. മടങ്ങിവരവ് പ്രവാസിയുടെ അവകാശമാണ്. പ്രവാസികൾക്ക് കൂടുതൽ ടെസ്റ്റുകൾ നടത്താൻ സംസ്ഥാനത്തെ കേന്ദ്രം സഹായിക്കുകയാണ് വേണ്ടത്. അതേസമയം നോർക്കയും ലോക കേരളസഭയുമായി ബന്ധപ്പെട്ട നടപടികൾ സംസ്ഥാന സർക്കാർ വേഗത്തിലാക്കണമെന്നും ബിനോയ് വിശ്വം ആവശ്യപ്പെട്ടു.

അതിർത്തിയിലെ തർക്കം ചർച്ചകളിലൂടെ പരിഹരിക്കണമെന്നും ബിനോയ് വിശ്വം പറഞ്ഞു. അയൽ രാജ്യങ്ങളെ ശത്രുക്കൾ ആക്കുന്ന കേന്ദ്ര സർക്കാർ നിലപാടല്ല, സമാധാനമാണ് രാജ്യം ആഗ്രഹിക്കുന്നതെന്നും ബിനോയ് വിശ്വം പറഞ്ഞു. പ്രവാസികളെ മടക്കിക്കൊണ്ടുവരാൻ കേന്ദ്ര-സംസ്ഥാന സർക്കാരുകൾ മുൻകൈയെടുക്കണമെന്നും അദ്ദേഹം പറഞ്ഞു.