കിളിമാനൂരില്‍ യൂത്ത് കോണ്‍ഗ്രസ് പ്രവര്‍ത്തകനു നേരെ വധശ്രമം
അജയുടെ നേതൃത്വത്തില്‍ ഏതാനും എഐവൈഎഫ് പ്രവര്‍ത്തകര്‍ രാജിവച്ച് യൂത്ത് കോണ്‍ഗ്രസില്‍ അംഗത്വമെടുത്തിരുന്നു
തിരുവനന്തപുരം: കിളിമാനൂര്‍ പഴയകുന്നുമ്മേല്‍ യൂത്ത് കോണ്‍ഗ്രസ് വൈസ് പ്രസിഡന്റ് അജയ്ക്കു നേരെ വധശ്രമം. സംസാരിക്കാനെന്ന വ്യാജേന വിളിച്ചുവരുത്തി എഐവൈഎഫ് പ്രവര്‍ത്തകര്‍ ഇരുമ്പുവടി കൊണ്ട് തലയ്ക്കടിച്ചു കൊലപ്പെടുത്താന്‍ ശ്രമിക്കുകയായിരുന്നു. സമീപത്തുണ്ടായിരുന്ന സുഹൃത്തുക്കള്‍ ഓടിയെത്തിയതോടെ അക്രമികള്‍ പിന്‍മാറി. അജയുടെ നേതൃത്വത്തില്‍ ഏതാനും എഐവൈഎഫ് പ്രവര്‍ത്തകര്‍ രാജിവച്ച് യൂത്ത് കോണ്‍ഗ്രസില്‍ അംഗത്വമെടുത്തിരുന്നു. ഇതിന്റെ വൈരാഗ്യം കാരണമാണ് ആക്രമണമെന്നു യൂത്ത് കോണ്‍ഗ്രസ് ആരോപിച്ചു.