എ​എ​സ്ഐ​യുടെ കൊ​ലപാതകം; ​നാലുപേർ കൂടി കസ്റ്റഡിയിൽ

തി​രു​വ​ന​ന്ത​പു​രം: കേ​ര​ള- ത​മി​ഴ്നാ​ട് അ​തി​ർ​ത്തിയിൽ കളിയിക്കാവിള ചെ​ക്ക് പോ​സ്റ്റി​ൽ എ​എ​സ്ഐ​യെ കൊ​ല​പ്പെ​ടു​ത്തി​യ കേ​സിൽ നാലുപേർ കൂടി കസ്റ്റഡിയിൽ. തമിഴ്നാട് പോലിസ് നൽകിയ വിവരത്തിന്റെ അടിസ്ഥാനത്തിൽ കൊല്ലത്ത് നിന്നുള്ള പോലിസ് സംഘം പാലരുവിയിൽ നിന്നാണ് ഇവരെ കസ്റ്റഡിയിലെടുത്തതെന്നാണ് സൂചന. ഇവരേക്കുറിച്ച് കൂടുതൽ വിവരങ്ങൾ പുറത്തുവിട്ടിട്ടില്ല.

അതേസമയം, കേസിലെ ലെ മു​ഖ്യ​പ്ര​തി​ക​ള ഇന്ന് സംശയിക്കുന്ന തൗഫീഖ്, ഷമീം എന്നിവരുടെ കൂ​ടു​ത​ൽ സി​സി​ടി​വി ദൃ​ശ്യ​ങ്ങ​ൾ പോ​ലി​സി​നു ല​ഭി​ച്ചു. കൊ​ല​പാ​ത​ക​ത്തി​നു മു​മ്പ് ഇരുവരും ന​ട​ക്കു​ന്ന​തി​ന്‍റെ ദൃ​ശ്യ​ങ്ങ​ളാ​ണു ല​ഭി​ച്ച​ത്. ബു​ധ​നാ​ഴ്ച രാ​ത്രി എ​ട്ട​ര​യോ​ടെ നെ​യ്യാ​റ്റി​ൻ​ക​ര ജങ്ഷനി​ലൂ​ടെ​യാ​ണ് ഇ​രു​വ​രും ന​ട​ക്കു​ന്ന​ത്. റോ​ഡ​രി​കി​ൽ ബാ​ഗ് ഉ​പേ​ക്ഷി​ക്കു​ന്ന​തും ദൃ​ശ്യ​ങ്ങ​ളി​ൽ കാ​ണാം. കേ​ര​ള-​ത​മി​ഴ്നാ​ട് സം​യു​ക്ത പോ​ലിസ് സം​ഘ​ങ്ങ​ൾ ദൃ​ശ്യ​ങ്ങ​ൾ പ​രി​ശോ​ധി​ച്ചു​വ​രി​ക​യാ​ണ്.

എ​എ​സ്ഐ​യെ വെ​ട്ടി​യ​ശേ​ഷം വെ​ടി​വ​ച്ചു കൊ​ല​പ്പെ​ടു​ത്തി​യ​വ​രു​മാ​യി അ​ടു​ത്ത ബ​ന്ധ​മു​ണ്ടെ​ന്നു സം​ശ​യി​ക്കു​ന്ന ര​ണ്ടു പേ​രെ​​ ഇ​ന്ന​ലെ ക​സ്റ്റ​ഡി​യി​ൽ എ​ടു​ത്തിരുന്നു. ​ഇ​വ​രെ ചോ​ദ്യം​ചെ​യ്യു​ന്ന​തു തു​ട​രു​ക​യാ​ണ്. ബു​ധ​നാ​ഴ്ച രാ​ത്രി 9.35-ന് ​ക​ളി​യി​ക്കാ​വി​ള ചെ​ക്പോ​സ്റ്റി​ൽ ഡ്യൂ​ട്ടി​ക്കി​ടെ​യാ​ണ് എ​എ​സ്ഐ വി​ൽ​സ​ണെ (57) കൊ​ല​പ്പെ​ടു​ത്തി​യ​ത്.