ശബരിമല ദര്ശനത്തിനെത്തിയ ആന്ധ്ര യുവതിയെ പോലിസ് മടക്കി അയച്ചു
ശനിയാഴ്ച വൈകീട്ടാണ് യുവതി മാതാപിതാക്കള്ക്കൊപ്പം ചെങ്ങന്നൂര് റെയില്വേ സ്റ്റേഷനിലെത്തിയത്.
പത്തനംതിട്ട: ശബരിമല ദര്ശനത്തിനായി കുടുംബസമേതം ചെങ്ങന്നൂരിലെത്തിയ ആന്ധ്രാ സ്വദേശിയായ യുവതിയെ പോലിസ് മടക്കി അയച്ചു. ശനിയാഴ്ച വൈകീട്ടാണ് യുവതി മാതാപിതാക്കള്ക്കൊപ്പം ചെങ്ങന്നൂര് റെയില്വേ സ്റ്റേഷനിലെത്തിയത്. ഇതറിഞ്ഞ് റെയില്വേ സ്റ്റേഷനിലെത്തിയ ശബരിമല കര്മസമിതി പ്രവര്ത്തകര് യുവതിക്കെതിരേ പ്രതിഷേധവുമായി രംഗത്തെത്തി.
തുടര്ന്ന് ചെങ്ങന്നൂര് പോലിസ് സ്ഥലത്തെത്തി യുവതിയുമായി ഏറെനേരം ചര്ച്ച നടത്തി. ഒടുവില് മടങ്ങിപ്പോവാമെന്ന് യുവതി സമ്മതിച്ചു. പിന്നീട് മാതാപിതാക്കള്ക്കൊപ്പം യുവതി സ്വദേശത്തേക്ക് മടങ്ങി.