കുരിശിന്റെ വഴി യാത്രയ്ക്കിടെ അപകടം; അടിമാലിയില് ജീപ്പ് താഴ്ചയിലേക്ക് മറിഞ്ഞ് എട്ടുപേര്ക്ക് പരിക്ക്
അട്ടപ്പാടി: അടിമാലിയില് ജീപ്പ് താഴ്ചയിലേക്ക് മറിഞ്ഞ് അപകടം. ഇടുക്കി അടിമാലി ചിന്നപ്പാറ കുടിയിലാണ് സംഭവം. കുരിശിന്റെ വഴി വിശ്വാസി യാത്രയ്ക്കിടെയാണ് അപകടം ഉണ്ടായത്. പരുക്കേറ്റവരെ അടിമാലിയിലെ ആശുപത്രിയിലേക്ക് മാറ്റി. എട്ടുപേര്ക്ക് പരുക്കേറ്റു, സാരമായി പരിക്കേറ്റ ഒരാളെ ആലുവ രാജഗിരി ആശുപത്രിയിലേക്ക് മാറ്റി.
ഇന്ന് 11 മണിയോടെയാണ് അപകടം ഉണ്ടായത്. അടിമാലി സെന്റ് ജൂഡ് ദേവാലയത്തില് നിന്നാണ് വിശ്വാസിയാത്ര പുറപ്പെട്ടത്. ആളുകള് കാല്നടയായി ജീപ്പിന്റെ പുറകെയുണ്ടായിരുന്നു. ജീപ്പിനുള്ളില് ഇടവകയിലുള്ള ആളുകള് ഉണ്ടായിരുന്നു.
ആദ്യം അനൗണ്സ്മെന്റ് വാഹനം എന്ന രീതിയില് മൈക്കും സ്പീക്കറും ഘടിപ്പിച്ചുകൊണ്ടാണ് ജീപ്പ് പുറപ്പെട്ടത്. കയറ്റം കയറുന്നതിനിടെ ജീപ്പിന്റെ നിയന്ത്രണം നഷ്ട്ടപ്പെടുകയായിരുന്നു. വാഹനത്തില് കുടുങ്ങിയവരെ ആശുപത്രിയില് എത്തിച്ചു. ആര്ക്കും ഗുരുതര പരുക്കുകള് ഇല്ല.