തിരഞ്ഞെടുപ്പ് ഡ്യൂട്ടിയിലായിരുന്ന സ്പെഷ്യല് പോലിസ് ടീം സഞ്ചരിച്ച വാഹനം അപകടത്തില്പ്പെട്ടു; അഞ്ച് പേര്ക്ക് പരിക്ക്, ഒരാളുടെ നില ഗുരുതരം
പാലക്കാട്: പാലക്കാട് തിരഞ്ഞെടുപ്പ് ഡ്യൂട്ടിയിലായിരുന്ന സ്പെഷ്യല് പോലിസ് ടീം സഞ്ചരിച്ചിരുന്ന വാഹനം അപകടത്തില്പെട്ടു. തിരഞ്ഞെടുപ്പ് ഡ്യൂട്ടിക്ക് പോകുകയായിരുന്നു. പിക്കപ്പ് വാനുമായി കൂട്ടിയിടിച്ചാണ് അപകടം ഉണ്ടായത്. വാഹനത്തിലുണ്ടായിരുന്ന അഞ്ച് പേര്ക്ക് പരിക്കേറ്റിട്ടുണ്ട്. ഇതില് ഒരാളുടെ നില ഗുരുതരമാണ്.
പാലക്കാട് - കോഴിക്കോട് ദേശീയപാതയിലെ നാട്ടുകല് പോസ്റ്റ് ഓഫീസിന് സമീപമാണ് അപകടം ഉണ്ടായത്. കരിങ്കലത്താണിയില് നിന്നും തിരഞ്ഞെടുപ്പിന്റെ ഭാഗമായ വാഹന പരിശോധന കഴിഞ്ഞ് മണ്ണാര്ക്കാടേക്ക് തിരിച്ചു പോകുമ്പോഴാണ് അപകടം ഉണ്ടായത്. ഇലക്ഷന് ഡ്യൂട്ടിക്ക് സ്പെഷ്യലായി എടുത്ത വാഹനമാണ് അപകടത്തില്പ്പെട്ടത്. അപകടത്തിനിടയാക്കിയ പിക്കപ്പ് വാന് നിയന്ത്രണംവിട്ടശേഷം സമീപത്തുള്ള മതിലില് ഇടിച്ചാണ് നിന്നത്. പരിക്കേറ്റവരെ പെരിന്തല്മണ്ണ സ്വകാര്യ ആശുപത്രിയില് പ്രവേശിപ്പിച്ചു.