പെരിന്തല്‍മണ്ണ: ഒമ്പത് വയസ്സുകാരിയെ ലൈംഗികമായി പീഡിപ്പിച്ചെന്ന പരാതിയില്‍ 42കാരന്‍ അറസ്റ്റിലായി. പുലാമന്തോള്‍ വടക്കന്‍ പാലൂര്‍ വെങ്കിട്ട വീട്ടില്‍ മുഹമ്മദ് റഫീഖി(42) നെയാണ് പെരിന്തല്‍മണ്ണ പോലിസ് ഇന്‍സ്‌പെക്ടര്‍ സജിന്‍ശശി അറസ്റ്റുചെയ്തത്. 2020 ജനുവരി അവസാനം മുതല്‍ പലതവണ ഇയാള്‍ പീഡിപ്പിച്ചതായി പെണ്‍കുട്ടി നല്‍കിയ മൊഴിയുടെ അടിസ്ഥാനത്തില്‍ കഴിഞ്ഞ ദിവസം കേസെടുത്ത് അന്വേഷണം തുടങ്ങിയിരുന്നു.
തുടര്‍ന്ന് വ്യാഴാഴ്ച ഉച്ചതിരിഞ്ഞ് പട്ടാമ്പിയില്‍നിന്ന് പ്രതിയെ കസ്റ്റഡിയിലെടുക്കുകയായിരുന്നു. ചോദ്യം ചെയ്യലില്‍ കുറ്റം സമ്മതിച്ച പ്രതിക്കെതിരേ പോക്‌സോ വകുപ്പ് അടക്കം ചുമത്തിയാണ് കേസെടുത്തത്. എസ്‌ഐ ദിവാകരന്‍, എഎസ്‌ഐ ബൈജു, സീനിയര്‍ സിപിഒ ഫൈസല്‍ കപ്പൂര്‍ എന്നിവരടങ്ങുന്ന സംഘമാണ് കേസില്‍ തുടരന്വേഷണം നടത്തുന്നത്.