സംസ്ഥാനത്ത് 24 മണിക്കൂറിനിടെ പരിശോധിച്ചത് 18,027 സാംപിളുകള്; ആകെ 579 ഹോട്സ്പോട്ടുകള്
റുട്ടീന് സാംപിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് അസ്സെ എന്നിവ ഉള്പ്പെടെ ഇതുവരെ ആകെ 16,85,203 സാംപിളുകളാണ് പരിശോധനയ്ക്കായി അയച്ചത്.
തിരുവനന്തപുരം: സംസ്ഥാനത്ത് കഴിഞ്ഞ 24 മണിക്കൂറിനിടെ 18,027 സാംപിളുകളാണ് പരിശോധിച്ചതെന്ന് ആരോഗ്യവകുപ്പ് അറിയിച്ചു. റുട്ടീന് സാംപിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് അസ്സെ എന്നിവ ഉള്പ്പെടെ ഇതുവരെ ആകെ 16,85,203 സാംപിളുകളാണ് പരിശോധനയ്ക്കായി അയച്ചത്. സെന്റിനല് സര്വൈലന്സിന്റെ ഭാഗമായി ആരോഗ്യപ്രവര്ത്തകര്, അന്തര്സംസ്ഥാന തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില്നിന്ന് 1,78,076 സാംപിളുകളും പരിശോധനയ്ക്കയച്ചു. ഇന്ന് 2 പുതിയ ഹോട്ട് സ്പോട്ടുകളാണുള്ളത്.
കോട്ടയം ജില്ലയിലെ മാടപ്പള്ളി (കണ്ടൈന്മെന്റ് സോണ് വാര്ഡ് 13), പാലക്കാട് ജില്ലയിലെ കൊല്ലങ്കോട് (സബ് വാര്ഡ് 3) എന്നിവയാണ് പുതിയ ഹോട്ട് സ്പോട്ടുകള്. 9 പ്രദേശങ്ങളെ ഹോട്ട്സ്പോട്ടില് നിന്നും ഒഴിവാക്കിയിട്ടുണ്ട്. തൃശൂര് ജില്ലയിലെ മതിലകം (സബ് വാര്ഡ് 6), ആലപ്പുഴ ജില്ലയിലെ വയലാര് (സബ് വാര്ഡ് 10), കടക്കരപ്പള്ളി (വാര്ഡ് 14), വയനാട് ജില്ലയിലെ നൂല്പ്പുഴ (സബ് വാര്ഡ് 13), മലപ്പുറം ജില്ലയിലെ ആലിപ്പറമ്പ് (4), ആതവനാട് (11), പാലക്കാട് ജില്ലയിലെ ആനക്കര (7, 8), എരിമയൂര് (15), കോട്ടോപ്പാടം (10) എന്നീ പ്രദേശങ്ങളെയാണ് കണ്ടൈന്മെന്റ് സോണില് നിന്നും ഒഴിവാക്കിയത്. ഇതോടെ നിലവില് 579 ഹോട്ട് സ്പോട്ടുകളാണുള്ളത്.