മലപ്പുറത്ത് 14 കാരി കൊല്ലപ്പെട്ട നിലയില്; പ്രായപൂര്ത്തിയാകാത്ത ആണ്സുഹൃത്ത് കസ്റ്റഡിയില്
മലപ്പുറം: മലപ്പുറം തൊടിയ പുലത്ത് 14 കാരിയായ പെണ്കുട്ടിയെ കൊല്ലപ്പെട്ട നിലയില് കണ്ടെത്തി. വാണിയമ്പലത്തിനും തൊടിയപുലത്തിനും ഇടയില് റെയില്വേ ട്രാക്കിനോട് ചേര്ന്നുള്ള കുറ്റിക്കാട്ടിലാണ് കുട്ടി ഒമ്പതാം ക്ലാസ് വിദ്യാര്ഥിനിയുടെ മൃതദേഹം കണ്ടെത്തിയത്. ഇന്നലെ സ്കൂളിലേക്ക് പോയ പെണ്കുട്ടി വീട്ടില് തിരിച്ചെത്തിയിരുന്നില്ല. സംഭവത്തില് പ്രായപൂര്ത്തിയാകാത്ത ആണ്സുഹൃത്തിനെ പോലിസ് കസ്റ്റഡിയിലെടുത്തു.
ഇന്നലെ രാവിലെ 9.30ന് കുട്ടി കരുവാരകുണ്ട് സ്കൂള് പടിയില് ബസിറങ്ങി. പിന്നീട് കുട്ടിയെ ആരും കണ്ടിട്ടില്ല. പുള്ളിപ്പാടത്ത് കുറ്റിക്കാട്ടിലാണ് പെണ്കുട്ടിയുടെ മൃതദേഹം കണ്ടെത്തിയത്. കൈകള് കൂട്ടിക്കെട്ടിയ നിലയിലായിരുന്നു. സ്കൂള് യൂണിഫോമിലായിരുന്നു കുട്ടിയുടെ മൃതദേഹം. സംഭവത്തില് പ്ലസ് വണ് വിദ്യാര്ഥിയായ 16 കാരനെയാണ് പോലിസ് കസ്റ്റഡിയിലെടുത്തത്. 16 കാരന് കുറ്റസമ്മതം നടത്തിയെന്നാണ് സൂചന. സംശയം തോന്നി പോലിസ് കസ്റ്റഡിയിലെടുത്തപ്പോള് പ്രതി തന്നെയാണ് മൃതദേഹം കാണിച്ചു കൊടുത്തത്. കഴുത്ത് ഞരിച്ചായിരുന്നു കൊലപാതകം. ബലാല്സംഗം നടന്നതായി പ്രതി പോലിസിനോട് പറഞ്ഞു.