യുപിയില് യോഗി സര്ക്കാര് പണിമുടക്ക് നിരോധിച്ചു; നിരോധനം ലംഘിച്ചാല് വാറണ്ടില്ലാതെ അറസ്റ്റ്, ഒരുവര്ഷം വരെ തടവ്
പണിമുടക്ക് സമരം നിരോധിച്ചുകൊണ്ടുള്ള വിജ്ഞാപനം പുറത്തിറങ്ങിക്കഴിഞ്ഞു. കഴിഞ്ഞ വര്ഷവും എസ്മ നിയമം ചുമത്തി യുപി സര്ക്കാര് പണിമുടക്ക് നിരോധിച്ചിരുന്നു. അതിനു പിന്നാലെ വൈദ്യുതി വകുപ്പിലെ ചില ജീവനക്കാര് സമരത്തിനിറങ്ങിയിരുന്നു. 1968ലാണ് പാര്ലമെന്റില് എസ്മ പാസാക്കിയത്. ഈ നിയമം ഉപയോഗിച്ച് ഏത് സംസ്ഥാന സര്ക്കാരിനും തങ്ങളുടെ അധികാര പരിധിയിലെ സമരം നിരോധിക്കാം. ഒരു മാസം മുതല് ആറു മാസം വരെ ഈ നിയമം ബാധകമായിരിക്കും.
രാജ്യത്ത് വൈദ്യുതി വിതരണം, ഗതാഗതം, മെഡിക്കല് സേവനങ്ങള് എന്നിവ ഉള്പ്പെടെയുള്ള അവശ്യ സേവനങ്ങളുടെ പരിപാലനം ഉറപ്പാക്കുക എന്നതായിരുന്നു ഈ നിയമം കൊണ്ടുവരുന്നതിലൂടെ സര്ക്കാര് ലക്ഷ്യമിടുന്നത്. അവശ്യ സേവനങ്ങള് തടസ്സപ്പെടുത്തുന്നവര്ക്കെതിരെ അറസ്റ്റും പ്രോസിക്യൂഷനും ഉള്പ്പെടെയുള്ള കര്ശന നടപടികള് സ്വീകരിക്കാന് സംസ്ഥാന സര്ക്കാരുകള്ക്ക് ഈ നിയമം അധികാരം നല്കുന്നുണ്ട്.