ഭാര്യയും കാമുകനും ചേര്ന്ന് ഭര്ത്താവിനെ ക്രൂരമായി കൊലപ്പെടുത്തി; മൃതദേഹം തിരിച്ചറിയാതിരിക്കാന് വയറ് കീറി ആസിഡ് ഒഴിച്ച് കത്തിച്ചു
അലിഗഡ്: ഉത്തര്പ്രദേശില് ഭാര്യയും കാമുകനും ചേര്ന്ന് ഭര്ത്താവിനെ ക്രൂരമായി കൊലപ്പെടുത്തി. മൃതദേഹം തിരിച്ചറിയാതിരിക്കാന് വയറ് കീറി ആസിഡ് ഒഴിച്ച് കത്തിച്ചു. ഉത്തര്പ്രദേശിലെ അലിഗഡ് ജില്ലയില് നിന്നാണ് നാടിനെ ഞെട്ടിച്ച കൊലപാതക കേസ് പുറത്ത് വരുന്നത്. ഭാര്യയും കാമുകനും ചേര്ന്ന് ഭര്ത്താവിനെ കൊലപ്പെടുത്തുകയും പിന്നാലെ മൃതദേഹം തിരിച്ചറിയാതിരിക്കാന് വയറ് കീറി ആസിഡ് ഒഴിച്ച് കത്തിച്ചെന്നും പോലിസ് പറയുന്നു. ഉത്തര്പ്രദേശിലെ ഛാറ പോലിസ് സ്റ്റേഷന് പരിധിയിലാണ് സംഭവം. അലിഗഢ് സ്വദേശിയായ യൂസഫ് ആണ് കൊല്ലപ്പെട്ടത്.
ഇരുവരും ചേര്ന്ന് മൂര്ച്ചയുള്ള ആയുധം ഉപയോഗിച്ച് വയര് കീറി മുറിച്ചു. ജൂലായ് 29ന് യൂസഫ് വീട്ടില് നിന്നും പതിവ് പോലെ ജോലിക്ക് പോയിരുന്നെങ്കിലും വൈകുന്നേരം വീട്ടില് തിരിച്ചെത്തിയില്ല. വീട്ടുകാര് ദിവസങ്ങളോളം യൂസഫിനെ അന്വേഷിച്ചെങ്കിലും ഒരു സൂചനയും ലഭിച്ചില്ല. ഇതിന് പിന്നാലെയാണ് പരാതി നല്കിയത്. പിന്നാലെ പോലിസ് അന്വേഷണം നടത്തിയെങ്കിലും സൂചനകളൊന്നും ലഭിച്ചില്ല. ഇതിനിടെയാണ് കാസ്ഗഞ്ച് ജില്ലയിലെ ധോല്ന പോലിസ് സ്റ്റേഷന് പരിധിയിലെ ഇഷ്ടിക ചൂളകള്ക്ക് സമീപം ഗുരുതരമായി കത്തിക്കരിഞ്ഞ ഒരു മൃതദേഹം കണ്ടെത്തിയത്. ആസിഡ് ഉപയോഗിച്ച് മൃതദേഹം നശിപ്പിച്ചിരുന്നു, മൃതദേഹം പുഴവരിച്ച നിലയില് ആയതിനാല് തിരിച്ചറിയാന് കഴിഞ്ഞില്ല. തുടര്ന്ന് നടത്തിയ ശാസ്ത്രീയ പരിശോധനയില് മൃതദേഹം യൂസഫിന്റെതാണെന്ന് സ്ഥിരീകരിച്ചു.
വിശദമായ കേസന്വേഷണത്തില് യൂസഫിന്റെ ഭാര്യ തബാസ്സും കാമുകനായ ഡാനിഷും ചേര്ന്നാണ് കൊലപാതകം ആസൂത്രണം ചെയ്ത് നടപ്പാക്കിയതെന്ന് കണ്ടെത്തി. കൊലപാതകത്തിന് പിന്നാലെ ഇരുവരും ചേര്ന്ന് മൂര്ച്ചയുള്ള ആയുധം ഉപയോഗിച്ച് വയര് കീറി മുറിച്ചു. തുടര്ന്ന് മൃതദേഹത്തില് ആസിഡ് ഒഴിച്ച് തെളിവ് നശിപ്പിക്കുകയും മൃതദേഹം കത്തിക്കുകയും ചെയ്യുകയായിരുന്നു.