ഡല്ഹി: രാജ്യത്ത് വാണിജ്യ സിലിണ്ടറുകള്ക്ക് വില കൂടി. 19 കിലോയുടെ വാണിജ്യ സിലിണ്ടറിന് 12.50 രൂപയുടെ വര്ധനവാണ് ഉണ്ടായിരിക്കുന്നത്. വര്ധനവുണ്ടായതോടെ 1924.50 രൂപ ആയിരുന്ന വാണിജ്യ സിലിണ്ടറുകള്ക്ക് 1937 രൂപയായി. ഗാര്ഹിക സിലിണ്ടറിന്റെ വിലയില് മാറ്റമില്ല. പുതിയ നിരക്ക് ഇന്ന് മുതല് പ്രാബല്യത്തില് വരും. വാണിജ്യ-ഗാര്ഹിക എല്പിജി സിലിണ്ടറുകള്ക്കായുള്ള പ്രതിമാസ വില മാറ്റങ്ങള് ഒരോ മാസവും ആദ്യമാണ് പ്രഖ്യാപിക്കുന്നത്. പ്രാദേശിക നികുതികളുടെ അടിസ്ഥാനത്തില് ഗാര്ഹിക പാചക വാതക വില ഓരോ സംസ്ഥാനത്തിനും വ്യത്യാസമാണ്. അതേസമയം രണ്ടാം മോദി സര്ക്കാരിന്റെ അവസാന ബജറ്റ് ഇന്ന് അവതരിപ്പിക്കാനിരിക്കെയാണ് രാജ്യത്ത് വാണിജ്യ സിലിണ്ടറുകള്ക്ക് വില വര്ധിച്ചിരിക്കുന്നത്.