ന്യൂഡല്‍ഹി: ഇന്ത്യയെ വിഭജിക്കുന്ന ആര്‍എസ്എസ്സിനെതിരേ പോരാട്ടത്തിന് ആഹ്വാനം ചെയ്ത് മഹാത്മാ ഗാന്ധിയുടെ പൗത്രന്‍ തുഷാര്‍ ഗാന്ധി. പോര്‍ബന്തറില്‍ മഹാത്മാ ഗാന്ധിയുടെ ഭാര്യ കസ്തൂര്‍ബാ ഗാന്ധിയുടെ 150ാമത് ജന്‍മദിനാഘോഷത്തിലാണ് തുഷാര്‍ ഗാന്ധി ആര്‍എസ്എസ്സിനെതിരേ ആഞ്ഞടിച്ചത്. ഗാന്ധി ആശയങ്ങള്‍ക്കെതിരേ പ്രവര്‍ത്തിക്കുന്നതാണ് ആര്‍എസ്എസ് ആശയങ്ങളെന്നും അവയെന്നും ഇന്ത്യക്ക് ഭീഷണിയായിരുന്നെന്നും അദ്ദേഹം പറഞ്ഞു. ഗാന്ധിയന്‍മാരുടെ ഉത്തരവാദിത്വമാണ് ഇന്ത്യയെ സംരക്ഷിക്കേണ്ടതെന്നും ഇന്ദിരാഗാന്ധി സര്‍ക്കാരിനെ താഴെയിറക്കിയ നടപടി ചൂണ്ടിക്കാട്ടി അദ്ദേഹം പറഞ്ഞു. ക്ഷയിച്ചെങ്കിലും ആ ശക്തിയും ഉത്തരവാദിത്വവും തങ്ങള്‍ക്കിപ്പോഴുമുണ്ടെന്നും അദ്ദേഹം പറഞ്ഞു.