സോഷ്യല് മീഡിയയില് പ്രധാനമന്ത്രി മോദിക്ക് മുകളില് രാഹുല് ഗാന്ധി; സ്വാതന്ത്ര ദിനത്തിലെ പോസ്റ്റിന് 1500K ലൈക്ക്
ന്യൂഡല്ഹി: പ്രധാനമന്ത്രി നരേന്ദ്രമോദിയുടെ പോസ്റ്റുകളെ കടത്തിവെട്ടി സോഷ്യല് മീഡിയയില് രാഹുല് ഗാന്ധിയുടെ മുന്നേറ്റം. അടുത്ത ദിവസങ്ങളില് രാഹുലിന്റെ പോസ്റ്റുകള്ക്ക് റീച്ചും വ്യൂവും മോദിയുടെ പേജിനേക്കാള് ഏറെ മുന്നിലാണ്. സ്വാതന്ത്ര ദിനത്തില് മഴ നനഞ്ഞ് പതാക ഉയര്ത്തുന്ന രാഹുലിന്റെ വീഡിയോക്ക് 1500K ലൈക്കാണ് ലഭിച്ചത്. 21.5 മില്യണ് വ്യൂസും പോസ്റ്റിനുണ്ട്.
ചെങ്കോട്ടയില് നിന്നുള്ള സ്വാതന്ത്ര ദിനത്തിലെ പ്രധാനമന്ത്രിയുടെ ലൈവിന് 427k ലൈക്കും 14.1 മില്യണ് വ്യൂസും മാത്രമാണുള്ളത്. ഈ വ്യത്യാസം അത്ഭുതപ്പെടുത്തുന്നതാണ്. കാരണം മോദിക്ക് ഫേസ്ബുക്കില് 50 മില്യണ് ഫോളോവേഴ്സും രാഹുലിന് വെറും 8 മില്യണുമേയുള്ളു. ഫോളോവേഴ്സില് ഇത്രയും അന്തരം ഉണ്ടായിട്ടും രാഹുലിന്റെ പോസ്റ്റുകളുടെ ഈ കുതിപ്പ് ചര്ച്ചയായിരിക്കുകയാണ്.
ഇനി ഇന്സ്റ്റഗ്രാമില് ആകട്ടെ, മോദിക്ക് 96 .3 മില്യണ് ഫോളോവേഴ്സുള്ളപ്പോള് രാഹുലിന് 11.3 മില്യണ് ഫോളോവേഴ്സ് മാത്രമാണുള്ളത്. എന്നാല് സ്വാതന്ത്ര ദിനത്തിലെ ചെങ്കോട്ടയില് നിന്നുള്ള പ്രധാനമന്ത്രിയുടെ വീഡിയോയ്ക്ക് 18 മില്യണ് വ്യൂസും 1.6 മില്ല്യണ് ലൈക്കും ലഭിച്ചപ്പോള് രാഹുലിന്റെ കോണ്ഗ്രസ് ആസ്ഥാനത്ത നിന്നുള്ള വീഡിയോയ്ക്ക് ലഭിച്ചത് ദിവസത്തെ പതാക യര്ത്തുന്ന 29.2 മില്യണ് വ്യൂസും 3.7 ലൈക്കുമാണ്.
രാഹുലിന്റെ വോട്ട് ചോരി ആരോപണം ഉന്നയിച്ചുള്ള ഒന്നേകാല് മണിക്കൂര് നീണ്ട തെളിവുകള് നിരത്തിയുള്ള വാര്ത്താ സമ്മേളനമാണ് യുവാക്കളെയും സോഷ്യല് മീഡിയ ഉപയോക്താക്കളെയും ആകര്ഷിച്ചിരിക്കുന്നത്. രാഹുല് ഉയര്ത്തിയ ആരോപണങ്ങള്ക്ക് തെളിവുകള് നിരത്തി കൃത്യമായ മറുപടി നല്കാന് പ്രധാനമന്ത്രിക്കോ ബിജെപി നേതാക്കള്ക്കോ ഇലക്ഷന് കമ്മീഷനോ ഇതുവരെ സാധിച്ചിട്ടില്ല.