ഓണ്ലൈന് തട്ടിപ്പ്; കോണ്ഗ്രസ് എംപിക്ക് നഷ്ടമായത് 23 ലക്ഷം രൂപ
ബാങ്ക് അക്കൗണ്ട് നമ്പരും എടിഎം പിന് നമ്പരും ഒട്ടിപി നമ്പറും സന്ദേശവുമടക്കം ചോദിച്ച് മനസ്സിലാക്കിയ ശേഷമാണ് പ്രതി പണം തട്ടിയെടുത്തത്. കുറച്ച് കഴിഞ്ഞ് ഫോണില് സന്ദേശം വന്നപ്പോഴാണ് അക്കൗണ്ടില് നിന്നും 23 ലക്ഷം നഷ്ടമായതും താന് തട്ടിപ്പിന് ഇരയായ വിവരവും പ്രണീത് കൗറിന് മനസ്സിലായത്.
ചണ്ഡീഗഡ്: കോണ്ഗ്രസ് എംപിയും പഞ്ചാബ് മുഖ്യമന്ത്രിയുടെ ഭാര്യയുമായ പ്രണീത് കൗറിന് ഓണ്ലൈന് തട്ടിപ്പിലൂടെ 23 ലക്ഷം രൂപ നഷ്ടപ്പെട്ടു.പാര്ലമെന്റ് സമ്മേളനത്തില് പങ്കെടുക്കുന്നതിനിടെയാണ് പ്രണീത് കൗറിന് ഫോണ് സന്ദേശം വന്നത്. തട്ടിപ്പ് നടത്തിയ ആളെ പോലിസ് പിടികൂടുകയും ഇയാളില് നിന്ന് പണം കണ്ടത്തുകയും ചെയ്തു.
എസ്ബിഐ മാനേജര് എന്ന് സ്വയം പരിചയപ്പെടുത്തിയ ആള് കൗറിനെ ഫോണ് വിളിക്കുകയായിരുന്നു. ബാങ്ക് അക്കൗണ്ട് നമ്പരും എടിഎം പിന് നമ്പരും ഒട്ടിപി നമ്പറും സന്ദേശവുമടക്കം ചോദിച്ച് മനസ്സിലാക്കിയ ശേഷമാണ് പ്രതി പണം തട്ടിയെടുത്തത്. കുറച്ച് കഴിഞ്ഞ് ഫോണില് സന്ദേശം വന്നപ്പോഴാണ് അക്കൗണ്ടില് നിന്നും 23 ലക്ഷം നഷ്ടമായതും താന് തട്ടിപ്പിന് ഇരയായ വിവരവും പ്രണീത് കൗറിന് മനസ്സിലായത്. ഉടന് തന്നെ പ്രണീത് കൗര് സൈബര് സെല്ലില് വിവരമറിയിച്ചു. വിളിവന്ന ഫോണ് നമ്പര്വെച്ച് നടത്തിയ പരിശോധനയില് തട്ടിപ്പ് നടത്തിയ പ്രതിയെ കണ്ടത്തി. തുടര്ന്ന് റാഞ്ചിയില് വെച്ച് ഇയാളെ പോലിസ് അറസ്റ്റ് ചെയ്തു.