താനെ: ദീര്‍ഘനേരം പബ്ജി ഗെയിം കളിക്കുന്നത് വിലക്കിയതിനെ തുടര്‍ന്ന് 15കാരന്‍ ജ്യേഷ്ഠനെ കത്രിക കൊണ്ടു കുത്തിക്കൊന്നു. മഹാരാഷ്ട്രയിലെ താനെ ജില്ലയില്‍ ഭീവണ്ടിയിലാണ് സംഭവം. മുഹമ്മദ് ശൈഖ്(19) ആണ് അനിയന്റെ കുത്തേറ്റു മരിച്ചത്.
കുത്തേറ്റ മുഹമ്മദ് ശൈഖിനെ അയല്‍വാസികള്‍ ഉടന്‍ ആശുപത്രിയില്‍ പ്രവേശിപ്പിച്ചെങ്കിലും മരിച്ചിരുന്നു. വിദ്യാര്‍ഥികളുടെ പഠനത്തെയും മാനസിക നിലയെയും ബാധിക്കുന്നതിനാല്‍ പബ്ജി ഗെയിം നിരോധിക്കണമെന്ന ആവശ്യം വിവിധ കോണുകളില്‍ നിന്നുയരുന്നതിനിടെയാണ് പുതിയ സംഭവം.