ന്യൂഡല്ഹി: ബലാല്സംഗക്കേസില് ജയിലില് തടവ് ശിക്ഷ അനുഭവിക്കുന്ന ദേരാ സച്ചാ സൗദ മേധാവി ഗുര്മീത് റാം റഹീമിന് വീണ്ടും പരോള് അനുവദിച്ചതായി റിപോര്ട്ട്. വാര്ത്താ ഏജന്സിയായ പിടിഐയാണ് ഇക്കാര്യം റിപോര്ട്ട് ചെയ്തത്. 40 ദിവസത്തേക്കാണ് ഗുര്മീത് റാം റഹീമിന് പരോള് അനുവദിച്ചിരിക്കുന്നത്.
നിലവില് ഹരിയാനയിലെ റോഹ്തക് ജില്ലയിലെ സുനാരിയ ജയിലിലാണ് റഹീം. കഴിഞ്ഞ വര്ഷം ജനുവരിയിലും ഓഗസ്റ്റിലും ഏപ്രിലിലും ഇയാള്ക്ക് പരോള് അനുവദിച്ചിരിന്നു. സിര്സയിലെ ആശ്രമത്തില് വച്ച് രണ്ടു സ്ത്രീകളെ ബലാല്സംഗം ചെയ്തെന്നായിരുന്നു കേസ്.
16 വര്ഷങ്ങള്ക്ക് മുന്പ് ഒരു മാധ്യമപ്രവര്ത്തകനെ കൊലപ്പെടുത്തിയ കേസിലും ഗുര്മീത് പ്രതിയാണ്. ഈ കേസില് ഗുര്മീതും മറ്റു മൂന്നു പേരും ശിക്ഷിക്കപ്പെട്ടിരുന്നു. കൊലപാതകം, ബലാത്സംഗം ഉള്പ്പെടെ നിരവധി ക്രിമിനല് കേസുകളില് പ്രതിയാണ് ഗുര്മീത്.