സര്ക്കാര് വെബ്സൈറ്റുകള് ഹാക്ക് ചെയ്യാനുള്ള പാകിസ്താന് ശ്രമം തടഞ്ഞു
90ലേറെ വെബ്സൈറ്റുകളില് ഹാക്കിങ് ശ്രമം നടന്നെങ്കിലും ഇതിനെ പ്രതിരോധിച്ചതായി അധികൃതര് വ്യക്തമാക്കി.
ന്യൂഡല്ഹി: പുല്വാമ ആക്രമണത്തിന് തൊട്ടുപിന്നാലെ രാജ്യത്തെ സര്ക്കാര്, ഓണ്ലൈന് സംവിധാനങ്ങളില് പാക് സൈബര് ആക്രമണം നടന്നതായി വെളിപ്പെടുത്തല്. 90ലേറെ വെബ്സൈറ്റുകളില് ഹാക്കിങ് ശ്രമം നടന്നെങ്കിലും ഇതിനെ പ്രതിരോധിച്ചതായി അധികൃതര് വ്യക്തമാക്കി. ബംഗ്ലാദേശ് ആസ്ഥാനമാക്കിയ പാക് ഹാക്കര്മാരായിരുന്നു ആക്രമണത്തിനു പിന്നില്. വെബ്സൈറ്റുകളില് പതിവില്ലാത്ത നീക്കങ്ങള് കണ്ടതിനെ തുടര്ന്ന് ഉടന് പ്രതിരോധമൊരുക്കുകയായിരുന്നു. വ്യാജവാര്ത്തകള് പ്രചരിപ്പിക്കാനും കൂട്ടായ നീക്കമുണ്ടായി.