ഗുണ്ടൂര്‍: തിരഞ്ഞടുപ്പു പ്രചാരണത്തനായി പ്രധാനന്ത്രി ഇന്ന് ആന്ധ്രയില്‍. വിവിധ തിരഞ്ഞെടുപ്പ് റാലികളെ മോദി അഭിസംബോധന ചെയ്യുമെന്നാണു കരുതുന്നത്. അതേസമയം അസമിന് പിന്നാലെ ആന്ധ്രപ്രദേശിലും മോദിക്കെതിരേ പ്രതിഷേധം വ്യാപകമാണ്. സംസ്ഥാനത്തിന് നല്‍കിയ വാഗ്ദാനങ്ങള്‍ പാലിക്കാത്തതിന്റെ പേരില്‍ പ്രധാനമന്ത്രി ജനങ്ങളോട് മറുപടി പറയേണ്ടി വരുമെന്ന മുന്നറിയിപ്പോടെ ടിഡിപി നേതാവും എംപിയുമായ രാം മോഹന്‍ നായിഡു മോദിക്ക് കത്തയച്ചു. പൊതുജനങ്ങളെ കാണുമ്പോള്‍ വാഗ്ദാനങ്ങള്‍ മാത്രം നല്‍കി സംസ്ഥാനത്തോട് വഞ്ചന കാണിച്ചതിന് മോദി മറുപടി പറയേണ്ടി വരുമെന്നും അദ്ദേഹം കുറ്റപ്പെടുത്തി.