ബിജെപിയുമായി ഒരു കാലത്തും സഖ്യത്തിനില്ല, മുന്നണി സാദ്ധ്യതകൾ ഇല്ലാതാക്കിയത് ഇടതുപാർട്ടികൾ: കമലഹാസൻ

ചെന്നൈ: ബി ജെ പിയുമായി ഒരു കാലത്തും സഖ്യത്തിനില്ലെന്ന് മക്കൾ നീതിമയ്യം പ്രസിഡന്റും നടനുമായ കമലഹാസൻ.ബി ജെ പിയ്ക്ക് തന്നെ പണം കൊടുത്ത് വാങ്ങാനാകില്ലെന്നും അദ്ദേഹം വ്യക്തമാക്കി.

തമിഴ്നാട്ടിൽ ഇടതുപക്ഷവും വലതുപക്ഷവും തന്നെ വിലകുറച്ചുകണ്ടെന്നും കമലഹാസൻ പറഞ്ഞു. മുന്നണി സാദ്ധ്യതകൾ ഇല്ലാതാക്കിയത് ഇടതുപാർട്ടികളാണെന്നും അദ്ദേഹം വിമർശിച്ചു. ഒരു മാധ്യമത്തിന് നൽകിയ അഭിമുഖത്തിൽ സംസാരിക്കുകയായിരുന്നു കമലഹാസൻ.

അതേസമയം ദാദാ സാഹേബ് പുരസ്‌കാരത്തിന് തന്നേക്കാൾ അർഹത രജനീകാന്തിന് തന്നെയാണെന്ന് കമലഹാസൻ പറഞ്ഞു. എന്നാൽ ഇപ്പോൾ പുരസ്‌കാരം പ്രഖ്യാപിച്ചതിന് പിന്നിൽ രാഷ്ട്രീയമുണ്ടാകാമെന്നും അദ്ദേഹം അഭിപ്രായപ്പെട്ടു.