മാധ്യമപ്രവർത്തകയെ കൈയ്യേറ്റം ചെയ്തു; ചോദ്യംചെയ്ത സഹപ്രവർത്തകനെ മൂവർ സംഘം കൊലപ്പെടുത്തി

ജയ്പൂർ: ജയ്പൂരിൽ മാധ്യമപ്രവർത്തകയെ കൈയ്യേറ്റം ചെയ്തത് ചോദ്യംചെയ്തതിനെ തുടർന്ന് ആക്രമിക്കപ്പെട്ട മാധ്യമപ്രവർത്തകൻ കൊല്ലപ്പെട്ടു.

ജയ്പൂരിലെ മാൻ സരോവർ പോലിസ് സ്റ്റേഷൻ സ്റ്റേഷൻ പരിധിയിലാണ് സംഭവം. രണ്ട് മാധ്യമപ്രവർത്തകർ രാത്രി 11: 30 ന് ഭക്ഷണം കഴിക്കാൻ ഒരു ധാബയിൽ പോയിരുന്നു. മൂന്ന് പേരടങ്ങുന്ന സംഘം മോട്ടോർ സൈക്കിളിൽ ഇതേ ധാബയിലേക്ക് വരികയും തുടർന്ന് മാധ്യമപ്രവർത്തകരുമായി തർക്കമുണ്ടാവുകയായിരുന്നു.

തർക്കത്തിന് പിന്നാലെ അഭിഷേക് സോണി എന്ന പത്രപ്രവർത്തകന് തലയ്ക്ക് അടിയേറ്റു. തുടർന്ന് ആശുപത്രിയിൽ പ്രവേശിപ്പിച്ചെങ്കിലും അദ്ദേഹം മരണപ്പെടുകയായിരുന്നു. സിസിടിവി ദൃശ്യങ്ങൾ അടിസ്ഥാനമാക്കി ആക്രമണകാരികളെ തിരിച്ചറിയാൻ ഞങ്ങൾക്ക് ചില സൂചനകൾ ലഭിച്ചെന്നും അവരെ ഉടൻ പിടികൂടുമെന്നും പോലിസ് അറിയിച്ചു.

അതേസമയം മൂന്ന് പേരെ പ്രതി ചേർത്ത് കേസ് രജിസ്റ്റർ ചെയ്തെങ്കിലും കൊലപാതകശ്രമത്തിനാണ് കേസെടുത്തിരിക്കുന്നത്.