ന്യൂഡല്ഹി: രാജസ്ഥാന് അതിര്ത്തിയില്നിന്ന് പാക് റേഞ്ചര് ഇന്ത്യന് സേനയുടെ പിടിയിലായതായി റിപ്പോര്ട്ട്. ശനിയാഴ്ചയാണ് ഇയാളെ ബിഎസ്എഫ് കസ്റ്റഡിയില് എടുത്തതെന്നാണ് റിപ്പോര്ട്ടുകള്. അതിര്ത്തി കടക്കാന് ശ്രമിക്കുന്നതിനിടെയാണ് ഇയാള് പിടിയിലായതെന്നാണ് വിവരം. ഇയാളെ ചോദ്യം ചെയ്തുകൊണ്ടിരിക്കുകയാണ്.
ദിവസങ്ങള്ക്ക് മുമ്പ് നിയന്ത്രണരേഖ മറികടന്ന അതിര്ത്തിരക്ഷാസേനയിലെ (ബിഎസ്എഫ്) ഒരു ജവാന് പാകിസ്താന്റെ കസ്റ്റഡിയിലായിരുന്നു. 182 ാം ബറ്റാലിയനിലെ കോണ്സ്റ്റബിള് പി കെ സിങ്ങിനെയാണ് ഏപ്രില് 23 ന് ഫിറോസ്പുര് അതിര്ത്തിക്കു സമീപത്തുനിന്നും പാകിസ്താന് കസ്റ്റഡിയിലെടുത്തത്. ഇദ്ദേഹത്തിന്റെ മോചനത്തിനായി ഇരുസേനകളും തമ്മില് ചര്ച്ച തുടരുന്നതിനിടെയാണ് പാക് റേഞ്ചര് പിടിയിലാകുന്നത്.