ഇന്ത്യ ഇനിമുതൽ ജനാധിപത്യ രാജ്യം അല്ല: സ്വീഡിഷ് റിപോർട്ട് ട്വീറ്റ് ചെയ്ത് രാഹുൽ ഗാന്ധി

ന്യൂഡൽഹി: ഇന്ത്യ ജനാധിപത്യ രാജ്യമല്ലെന്ന് കോൺഗ്രസ് നേതാവ് രാഹുൽ ഗാന്ധി. സ്വീഡിഷ് ഇൻസ്റ്റിറ്റ്യൂട്ടിന്റെ ജനാധിപത്യ ഇൻഡക്സ് റിപോർട്ടിനെക്കുറിച്ചുള്ള മാധ്യമ വാർത്ത ഉദ്ധരിച്ചാണ് രാഹുൽ ​ഗാന്ധി ഈ അഭിപ്രായം ട്വിറ്ററിൽ പങ്കുവച്ചത്.

ഇന്ത്യ ഇപ്പോൾ ഒരു ജനാധിപത്യ രാജ്യമല്ല, ഇന്ത്യയെ ലോകത്തിലെ ഏറ്റവും വലിയ ജനാധിപത്യ രാജ്യത്തിൽ നിന്ന് "തിരഞ്ഞെടുപ്പ് ജനാധിപത്യ" രാജ്യത്തിലേക്ക് തരംതാഴ്ത്തിയ സ്വീഡൻ വി-ഡെം ഇൻസ്റ്റിറ്റ്യൂട്ടിന്റെ ജനാധിപത്യ ഇൻഡക്സ് റിപോർട്ടിനെ ഉദ്ധരിച്ച് പുറത്തുവന്ന വാർത്ത ടാഗുചെയ്തുകൊണ്ടാണ് രാഹുലിന്റെ ട്വീറ്റ്.

അന്താരാഷ്ട്ര എൻ‌ജി‌ഒ ആയ ഫ്രീഡം ഹൗസിന്റെ മറ്റൊരു ആഗോള റിപോർട്ട് ഇന്ത്യയുടെ പദവിയെ സ്വതന്ത്ര രാജ്യത്തിൽ നിന്ന് ഭാഗിക സ്വതന്ത്ര രാജ്യമായി തരംതാഴ്ത്തിയിരുന്നു. 2014 ൽ നരേന്ദ്ര മോദി പ്രധാനമന്ത്രിയായതിനുശേഷം ഇന്ത്യയിൽ രാഷ്ട്രീയ അവകാശങ്ങളും പൗരസ്വാതന്ത്ര്യവും ഇല്ലാതായെന്ന് റിപോർട്ടിൽ പറഞ്ഞിരുന്നു.